Најдобрата светска ракометарка во моментов, Романката Кристина Неагу бара повисока плата за да остане во тимот на ЧСМ Букурешт. Неагу побарала клубот нејзината сегашна месечна плата од 22.000 евра да биде зголемена на 30.000 евра доколку романскиот шампион сака и понатаму да ги има нејзините услуги.

Челниците на клубот се изненадени од односот на ракометарката.

„Од почит кон фановите на нашиот тим, но и на романскиот ракомет, повторно правиме напори да ја задржиме Кристина Неагу во Романија, односно во ЧСМ Букурешт” – соопштија од клубот.

ЧСМ ќе и понуди нов договор на Неагу, сличен на претходниот, но без повисока плата, најавија од клубот.

Неагу засега сеуште е надвор од терените поради повредата што ја заработи на ЕП.

Фудбалерите на Фулам загубија нови бодови синоќа на гостувањето кај Вест Хем, пораз од 3-1 во 27 коло од Премиер лигата.

Пулените на Клаудио Раниери изненадувачки по 3 минути поведоа со 0-1 кај „чеканите“, стрелец на голот беше Рајан Бабел.

Но Вест Хем до крајот на првото полувреме ги презеде работите во свои раце и со головите на Чичарито и Диоп го сврте резултатот во своја полза.

Во второто полувреме Антонио во 91 минута го постави конечниот резултат 3-1.

Фулам статистички е најлошиот тим во првенството, до овој меч примил 61 гол на 27 меча, а во наредното коло го пречекуваат Саутемптон, директниот конкурент за опстанок.

Екипата на Денвер Нагетс нагости ја оствари јубилејната 40-та победа оваа сезона во НБА лигата со победата над Далас Маверикс од 114-104. Дури три играчи остварија дабл-дабл учинок.

Никола Јокиќ мечот го заврши со 19 поени и 13 скока, Пол Милсап имаше 17 поени со 13 скока, а Мејсон Пламли постигна 12 поени надополнети си 13 скока.

Далас без услугите на Лука Дончиќ кризираше, поготово во второто полувреме. Домаќините 41-пат шутнаа за три поени, а погодија само 10 тројки. Брансон со 22 и Двајт Пауел со 20 поени беа најефикасни кај Маверикси.

Еве ги резултатите на сите ноќешни натпревари во НБА лигата:

Оклахома – Јута 148-147
Далас – Денвер 104-114
Мемфис – ЛА Клиперс 106-112
Њујорк – Минесота 104-115
Атланта – Детроит 111-125
Шарлот – Вашингтон – 123-110
Торонто – Сан Антонио 120-117
Орландо – Чикаго 109-110
Индијана – Њу Орлеанс 126-121