Хакан Чалханоглу и Златан Ибрахимовиќ постигнаа голови во продолженијата за да му донесат на Милан 4:2 победа над Торино во четврт-финалето од Копа Италија и дуел со вечниот ривал Јувентус за место во финалето.

Милан имаше рано водство на „Сан Сиро“ во потрага по петта победа едноподруго, но дефанзивецот на Торино Бремер постигна два гола и направи пресврт, пред Чалханоглу во финишот на натпреварот да израмни на 2:2 по регуларните 90 минути.

Торино беа очајни за добар резултат откако дома загубија со 7:0 од Аталанта, а мечот на „Сан Сиро“ започна со посебно видео за кошаркарската легенда Коби Брајант, кој беше страствен навивач на Милан. Серија А им дозволи на Милан да носат црни ленти на раката, но не и минута молк како што беше најавено.

Анте Ребиќ, конечно, беше стартер за Милан, и беше асистент на првиот гол на Милан преку Џек Бонавентура веќе во 12. минута. Меѓутоа, во 34. минута, Бразилецот Бремер успеа да го совлада Џиџи Донарума за израмнување, а истиот фудбалер во 71. минута го комплетираше пресвртот.

Кшиштоф Пјонтек беше испратен со свирежи во можеби последниот меч за Милано, и на негово место влезе Златан Ибрахимовиќ, по што Милан тргна во напад. Во 91. минута, Чалханоглу со одличен гол го совлада Сиригу за израмнување, а Ибра имаше шанси моменти подоцна да го реши мечот во регуларните 90 минути.

Астон Вила со гол во 93. минута успеа да стигне до 2:1 победа над фаворизираните Лестер во полуфиналето на Англискиот лига-куп (или Карабао куп) и сега ќе игра за трофеј во својата повратничка сезона во Премиер лигата против еден од клубовите од Манчестер, кои утре го играат вториот меч од полуфиналето.

Вила на првиот меч на гости кај Лестер успеа да извлече 1:1 реми, а исто толку драматично беше и на „Вила Парк“. Мет Таргет ги донесе домаќините во водство во 22. минута, но тоа го оддржија само до 72. минута, кога Келечи Ихеаначо израмни за „лисиците“.

Човек за одлука беше Египќанецот Трезеге, кој во 93. минута од мечот постигна гол по одличната асистенција на Елмохамади за 2:1 победа и пласман во финалето.

Манчестер сити е фаворит да биде втор финалист, откако во првиот меч со 3:1 ги совладаа Манчестер јунајтед и сега реваншот го играат на сопствениот стадион.

Фудбалерот од средниот ред на Евертон, Андре Гомеш се врати на тренинзи на својот клуб, откако во ноември се здоби со хорор-скршеница на скочниот зглоб.

Португалецот доби фрактура на десниот скочен зглоб по стартот на Сон-Хеунг Мин при 1:1 ремито со Тотенхем. 26-годишниот Гомеш беше изнесен на носилки и се веруваше дека ќе паузира шест месеци до година дена, но само 86 дена, тој се појави во тренинг-центарот на Евертон на работа.

Гомеш, кој дојде од Барселона по првичната позајмица минатата сезона, сега ќе се бори за место во првиот тим.

💪 | SO GOOD to see @aftgomes back training with the rest of the lads today! 💙💙💙

Just 8️⃣6️⃣ days after his injury, Gomes joined the squad for small sections of the first-team session. pic.twitter.com/9QCVIAwLGZ

— Everton (@Everton) January 28, 2020

Евертон до реми со Тотенхем по хорор-повредата на Андре Гомеш (вознемирувачко видео)