По изненадувачкиот пораз од Кеи Нишикори во првиот меч на АТП финалето во Лондон (и откако Јапонецот денеска доживеа катастрофа од Кевин Андерсон), Роџер Федерер се врати на вистински пат со лесна 6:2/6:3 победа над потпросечниот Доминик Тим.

Ако фановите во „О2 арената“ во Лондон очекуваа еднаква борба за пласман понатаму, посебно бидејќи и двајцата тенисери доживеаја порази во првите мечеви, тогаш останаа разочарани. Но, бидејќи повеќето беа фанови на Федерер, тие секако ќе бидат задоволни што Швајцарецот, и на 37 години, може да одигра ваква лесна партија.

Сега, Федерер во директна пресметка со Јужноафриканецот Андерсон, кој ја игра најдобрата сезона во својата кариера, ќе одлучува за место во полуфиналето и можно избегнување на Новак Ѓоковиќ. Андерсон има 2-0 скор, Федерер и Нишикори 1-1, додека Тим има очајни 0-2.

Фото: ЕПА

Сузана Диниџ е именувана за извршен директор на Премиер лигата, заменувајќи го Ричард Скадамор, со што стана првата жена на чело на најбогатата фудбалска лига на светот.

Диниџ доаѓа од „Дискавери“, каде што беше претседател на каналот „Анимал планет“ откако претходно работеше како претседател на британската мрежа на „Дискавери“. Скадамор, пак, ја предводеше лигата од 1999 година и беше еден од највлијателните луѓе во модерниот фудбал.

„Подготвена сум за оваа фантастична улога. Премиер лигата значи многу на луѓето како врв на професионалниот спорт. Ова е голема привилегија и одговорност за мене“, изјави Диниџ.

Брус Бак, претседателот на Челси и на комитетот за номинации во Премиер лигата е презадоволен од поставувањето на Диниџ.

„Пресреќни сме што имаме толку способен лидер на оваа важна позиција. Имаше многу силни кандидати, но Сузана се покажа со својата историја на менаџирање на комплесни бизнис-ситуации и трансформации. Таа е докажан извршен директор и голем мотиватор“, изјави Бак.

The Premier League announces today that it has appointed Susanna Dinnage to the role of Chief Executive

More: https://t.co/YyWlgnU7pk pic.twitter.com/KpxB7iF6DV

— Premier League (@premierleague) November 13, 2018

Одбранбениот фудбалер на Манчестер Јунајтед, Швеѓанецот Виктор Линделоф има посебна причина за задоволтво, тој е нај-фудбалерот на Шведска за оваа година.

Линделоф ја „симна круната“ од главата на неприкосновениот Златан Ибрахимовиќ кој со престижното признание се закитуваше во периодот од 2007 до 2016 година.

Линделоф за признанието вели дека многу му значи.

„Наградата многу ми значи, се гордеам и многу сум благодарен. Сакам да им се заблагодарам на моите соиграчи од клубот, но и од оние од националниот тим. Исто и на моето семејство, секогаш е со мене – вели Линделоф.