Фудбалерите на Милан забележаа значајна победа во 24 коло, во Серија. Предводени од брилијантниот Кшиштоф Пјонтек фудбалерите на Милан, во Бергамо, ја победија Аталанта 3:1.

Полјакот, кој во зимскиот преоден рок пристигна на „Сан Сиро“ од Џенова за 35 милиони евра, внесе нова димензија во играта на Милан.

Три гола постигнаа играчите на Милан во периодот од 45 до 61 минута, откако Аталанта преку Рем Фројлер во 33 минута стигна до предност.

Пјонтек на истекот на полувремето израмни на 1:1, потоа Хакан Чалханоглу во 55 погоди за 1:2, а Пјонтек со својот втор гол во 61 минута стави точка на натпреварот.

Извонредниот поlски напаѓач има постигнато 17 гола во Серија А, пред него на листата на најдобри стрелци е само Кристијано Роналдо со 19 гола.

Во последниот натпревар од саботната програма во Ла Лига, Барселона на „Ноу Камп“ минимално славеше над Валљадолид 1:0. Барса ја запиша 16 победа во првенството.

Единствениот гол на натпреварот го постигна Лео Меси од пенал во финишот на првото полувреме. Во вториот дел Луис Суарез промаши две добри шанси, можност да погоди од игра имаше и Меси, но голот на Ваљадолид извонредно го бранеше Масип.

Во 85 минута Барселона доби уште еден пенал, меѓутоа Масип успеа да го одбрани ударот на Меси. За Масип, кој дел од кариерата мина во Барселона, оа е третиот одбранет пенал сезонава.

Аргентинецот против Ваљадолид го постигна 30 гол оваа сезона во сите натпреварувања. Ова е 11 сезона во која Меси постигнува 30 или повеќе голови во сите натпреварувања.

30+ goals.
11 seasons in a row. pic.twitter.com/7F6ygHp3Wj

— Squawka Football (@Squawka) February 16, 2019

Херта и Вердер одиграа 1:1 во последниот меч од саботната програма во Бундес лигата. Натпреварот го обележа легендарниот Перуанец Клаудио Пизаро.

Вертер, во Берлин, стигна до бод со голот на Пизаро постигнат од слободен удар во 96 минута и влезе во историјата на Бундес лигата. Перуанецот со 40 години и 136 дена е највозрасниот играч што постигнал гол во Бундес лигата.

40 – Con 40 años y 136 días, Claudio Pizarro se ha convertido en el goleador con más edad en toda la historia de la Bundesliga, superando a Mirko Votava. Eterno. pic.twitter.com/IeddqCm2Vn

— OptaJose (@OptaJose) February 16, 2019

Претходно, играчите на Херта го отворија резултатот во 25 минута со голот на Дејви Зелке.

По ова коло Херта се наоѓа на деветтото место на табелата со 32 бода, а Волфсбург има бод помалку на десеттото место.