Интер и ПСЖ, во неделата, го заклучија трансферот на Мауро Икарди. Интер заработи 58 милиони евра од продажбата на аргентинскиот напаѓач.

Во Италија веќе знаат каде Интер ќе ги потроши парите што ги заработи од Икарди. „Газате дело Спорт“ тврди дека Интер на Бреша ќе и понуди 40 милиони евра за Сандро Тонали.

„Новиот Пирло“ е интересен за неколку врвни европски клубови, а самиот неодамна изјави дека е навивач на Интер.

Прашање е само дали претседателот на Бреша Масимо Челино ќе ја прифати оваа сума бидејќи минатиот месец порача дека Тонали може да замине само за 60 милиони евра.

Сандро Тонали сезонава во Серија А има одиграно 23 натпревари.

Главна вест во САД е убиството на црномурниот Џорџ Флојд во Минеаполис од страна на полициски службеник. Убиството повторно ја актуализира темата за третманот што го имаат афро-американците од страна на полицијата. Еден од првите спортисти кој го крена гласот против таквиот третман пред четири години беше Колин Каперник.

Каперник пред четири години беше играч на Сан Франциско Фортинајнерс, во знак на протест пред почетокот на секој натпревар, додека се интонираше американската химна, тој клекнуваше на едно колено. Поради тоа тој набргу доби отказ од клубот и повеќе не успеа да најде ангажман.

Проблемот на кој укажуваше Каперник повторно се актуализира деновиве по убиството на Флојд, а овој пат се прошири и на европскиот континент.

Маркус Турам, син на легендарниот француски фудбалер Лилијан Турам, постигна два гола против Унион Берлин во победата на Борусија Менхегладбах од 4:1. Вториот гол Турам го прослави во стилот на Каперник, клекнат и со наведната глава.

Неколку часа подоцна внимание предизвика и младата ѕвезда на Борусија Дортмунд Џејдон Санчо. Тој постигна хет-трик во победата на својот тим во Падерброн од 6:1. Прославувајќи го вториот од трите гола Санчо го соблече дресот под кој имаше натпис. „Правда за Џорџ Флојд“.

Бразилецот Роналдо Назарио да Лима избрал пет фудбалери кои ги гледал со уживање. Интересно на оваа листа го нема Кристијано Роналдо.

На врвот на листата која Роналдо ја составил за „АС“ се наоѓа Лионел Меси.

„Меси е број 1. Тоа е талент што ретко се гледа. Веројатно ќе поминат 20 или 30 години пред да се појави некој сличен на него“, рекол Роналдо и дополнил.

„Исто така сакам да ги гледам Салах, Азар, Нејмар и секако Мбапе“.

Крстијано Роналдо, фудбалер кој заедно со Меси обележа повеќе од една деценија во светскиот фудбал, го нема на оваа листа.