Претседателот на шампионите на Европа повторно одлучи да ги награди сите вработени во ПСЖ.

Париз Сен Жермен ќе им обезбеди на сите свои вработени бесплатно патување и билети за финалето на Лигата на шампионите против Арсенал во Будимпешта. Ова не е ништо ново или сензационално, со оглед на тоа што клубот од Париз веќе го стори тоа претходната година, кога околу 500 луѓе вработени во клубот патуваа на финалето во Минхен, а тие беа вклучени и во заедничкиот фонд за бонуси на фудбалерите.

Одлуката беше објавена во порака испратена до персоналот од претседателот на клубот, Насер Ал-Келаифи.

„Ова историско достигнување е признание за напорната работа, високите стандарди и посветеноста на сите што секојдневно придонесуваат за континуираниот раст на Пари Сен Жермен“, рече претседателот на клубот, кој исто така додаде:

„Иако овој пласман е голем извор на гордост за нашиот клуб, сè уште има еден последен чекор пред нас што мора да го направиме заедно во Будимпешта. Ќе биде потребна целосна фокусираност, непоколеблива решителност и апсолутно единство на сите.“

Ал-Келаифи додаде дека големите европски успеси секогаш се градат колективно.

„Во Будимпешта, нашиот тим ќе претставува многу повеќе од нашите бои, тие ќе ја носат со себе енергијата, посветеноста и страста на целото семејство на ПСЖ. Секој дел, секоја улога, секој член на персоналот придонесува за овој колективен моментум и амбиција што го движи нашиот клуб секој ден.“

Foto/ Depositphotos

По два спектакуларни натпревари, Баерн Минхен беше елиминиран во полуфиналето на Лигата на шампионите. Актуелните шампиони, играчите на ПСЖ беа подобри од Баварците.

Хари Кејн го постигна единствениот гол за Германците во реваншот, но со дефицит од 5:4 од првиот натпревар, нерешениот резултат не беше доволен за пласман во финалето.
Кејн откри кого го гледа како победник на Лигата на шампионите оваа сезона.

„Според мене, ПСЖ се мали фаворити во финалето“, изјави Кејн за германскиот „Скај спортс“.

Кејн има фантастична сезона, постигна 55- голови во 48 натпревари оваа сезона за Баерн. И тоа е причината зошто овој пораз тешко му падна.

„Тешко е. Имавме доволно можности да влеземе во финалето. Сега мојот фокус е на финалето на Купот на Германија. Имаме шанса да ја освоиме двојната круна“, рече англискиот напаѓач.

На прашањето дали ќе го гледа финалето, поранешниот напаѓач на Тотенхем вели:

„Не знам, зависи од тоа каде ќе бидам. Во моментов сум разочаран.“

Финалето на Лигата на шампионите ќе се игра на 30 мај на „Пушкаш Арена“ во Будумпешта, од 18:00 часот. ПСЖ ќе се бори за втора последователна европска титула, додека Арсенал ќе се обиде прв пат да го освои овој трофеј.

Foto/ Depositphotos

На нешто повеќе од еден месец пред почетокот на Светското првенство, најдобриот стрелец во историјата на уругвајската фудбалска репрезентација, 39-годишниот Луис Суарез изјави дека е отворен за евентуално враќање во националниот тим.

За потсетување, легендарниот напаѓач, реши да се пензинира од националниот тим, во септември 2024 година, по недоразбирањата со селекторот Марсело Биелса.

Пред повеќе од 18 месеци, Суарез го обвини Биелса дека создава раздор во тимот и дека се однесува ладно кон играчите.

„Тогаш кажав некои работи што не требаше да ги кажам. Мора да бидете способни да ги признаете своите грешки, за мене тоа сега е минато. Ако мојата земја има потреба од мене, никогаш нема да кажам не. Додека сум активен, ќе бидам достапен“, рече поранешниот напаѓач на Ливерпул, Барселона и Атлетико Мадрид, а сега на Интер Мајами.

За време на својата богата кариера, Суарез одигра 143 натпревари за репрезентацијата и постигна рекордни 69 гола. Пред 15 години, тој го освои првенството на Јужна Америка со Уругвај, а беше учесник и на четири светски првенства, па годинашното, доколку сегашниот селектор на Уругвај Биелса го врати во составот, би му било петто.

Светското првенство се игра од 11 јуни до 19 јули во Соединетите Американски Држави, Канада и Мексико, а Уругвај влегува во него од групата Х, каде противници ќе му бидат репрезентациите на Шпанија, Зелено’ртските острови и Саудиска Арабија.

Foto/ Depositphotos