Спорт
Русите го имаат Акинфеев! „Зборнаја“ на пенали ја „уништи“ Шпанија
Русија е во четврт-финалето на домашниот Мундијал, откако прво во пеколни 120 минути успеаја да ја издржат целосната доминација на Шпанија за 1:1 реми, за потоа на пенали со 4:2 да ги исфрлат светските шампиони од 2010 година.
Русите беа во подредена у…

Русија е во четврт-финалето на домашниот Мундијал, откако прво во пеколни 120 минути успеаја да ја издржат целосната доминација на Шпанија за 1:1 реми, за потоа на пенали со 4:2 да ги исфрлат светските шампиони од 2010 година.
Русите беа во подредена улога во регуларните 90 минити и во двете продолженија по 15 минути, за потоа да се потпрат на капитенот Игор Акинфеев кој успеа да ги одбрани пеналите на Коке и на Јаго Аспас за мизерија на „Лос рохос“ пред кралот Фелипе Шести, кој беше на трибините на „Лужники“.
Русија сега ќе игра со подобриот од дуелот Хрватска-Данска, и уште повеќе го „отвараат“ овој дел од жрепката, каде што се и Англија-Колумбија и Швајцарија-Шведска.
Шпанија имаше над 1.000 додавања во 120-те минути, но оваа доминација не ја покажаа во бројот на голови, откако прво поведоа со смешниот автогол на Игнашевич, за Русите да израмнат од пенал преку Ѕјуба.
На пенали, апсолутно „царуваше“ Акинфеев бранејќи ги ударите на Коке и Јаго Аспас (вториот супер-атрактивно со својата нога), додека Де Хеа на другата страна иако беше блиску во неколку обиди, не успеа да ги сопре Русите.
FT: RUS 1-1 ESP
Well, we certainly didn’t expect Russia to go through, especially by saving Spain’s 5th pen with the keeper’s foot!
Pictures from BBC Sport pic.twitter.com/h3XfPW82DL
— fanatix (@therealfanatix) July 1, 2018
Извештајот за регуларните 90 минути го имате на линкот подолу.
ПЕНАЛ СЕРИЈА:
ШПАНИЈА 2 – РУСИЈА 4
Иниеста О, Смолов О, Пике О, Игнашевич О, Коке Х, Головин О, Рамос О, Черишев О, Јаго Х
Шпанија и Русија ќе ги играат првите продолженија на СП (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вардар против КУПС во Лигата на шампионите
Македонскиот шампион Вардар го доби противникот во првото коло во Лигата на шампионите. Црвено-црните пласман во втората рунда ќе бркаат преку финскиот првак КУПС.
Во таборот на македонскиот првак можат да бидат задоволни од ждрепката, прблем може да биде само формата, бидејќи во Финска сезоната е во пол ек.
Првите натпревари од првото коло од квалификациите ќе се играат на 7 и 8 јули, додека реваншите се закажани за 14 и 15 јули. Точните датуми ќе бидат одредени подоцна од УЕФА.
Парови од првото коло од квалификациите за Лигата на шампионите:
Сабах (Азербејџан) – Њу Сеинтс (Велс)
Флора (Естонија) – Иберија (Грузија)
Линколн (Гибралтар) – Интер Ескаладес (Андора)
Флоријана (Малта) – Шамрок Роверс (Република Ирска)
Тре Фјори (Сан Марино) – Ларне (Северна Ирска)
Арарат-Ерменија (Ерменија) – Рига (Латвија)
Вардар (Северна Македонија) – КуПС (Финска)
Кауно Жалгирис (Литванија) – Дрита (т.н. Косово)
Витебск (Белорусија) – Универзитет во Крајова (Романија)
Петрокуб (Молдавија) - Егнација (Албанија)
Борац (БиХ) – Левски (Бугарија)
Викингур (Исланд) – Ѓер (Унгарија)
Каират (Казахстан) – Сутјеска (Црна Гора)
Клаксвик (Фарски Острови) – Атерт Бисен (Луксембург)
Победниците од двата натпревари ќе се квалификуваат во втората рунда од квалификациите за елитното европско натпреварување, додека поразените ќе ја продолжат европската сезона во квалификациите за Конференциската лига на УЕФА.
Foto/ ffm.mk
Спорт
Ливременто во аут, Тухел го повика Чалоба
Англија сè уште не го започнала Светското првенство, а селекторот Томас Тухел доби лош вести. Ден пред првиот меч со Хрватска, пристигна информацијата за повредата на Тино Ливраменто.
Повредата е сериозна, што значи дека Мундијалот е завршен за фудбалерот на Њукасл. Англиските медиуми тврдат дека станува збор за повредса на тетивата.
Томас Тухел веднаш во националниот тим го повикал Тревоа Чалоба.
Англичаните ќе го играат својот прв натпревар на Светското првенство против Хрватска во среда во 22 часот.
Foto/ Depositphotos
Спорт
Сестрите Вилијамс ќе играат на Вимблдон
Серена и Венус Вилијамс добија специјална покана од организаторите на Вимблдон да настапат на овогодинешниот турнир во двојки.
Серена Вилијамс, која има 44 години, неодамна се врати на натпреварувањата по речиси четиригодишна пауза, додека нејзината постара сестра Венус сè уште повремено се натпреварува на професионално ниво. Венус полни 46 години во среда.
Сестрите Вилијамс заедно освоија 14 Гренд слем титули во двојки, вклучувајќи шест трофеи на Вимблдон.
Тие го освоија Лондонскиот Гренд слем за прв пат во 2000 година, додека последната титула на трева ја освоија во 2016 година.
Back together, at Wimbledon 💚💜
Serena and Venus Williams will compete in the Ladies’ Doubles at The Championships 2026 pic.twitter.com/xrOV0yeBCJ
— Wimbledon (@Wimbledon) June 16, 2026
Минатата недела на турнирот „Квинс“ во Лондон, Серена победи во двојки заедно со Викторија Мбоко, што беше нејзин прв официјален натпревар по долго отсуство од теренот.
Последниот пат кога Серена и Венус играа заедно во двојки беше на Отвореното првенство на САД во 2022 година, кога беа поразени во првото коло.
Тоа беше нивниот прв заеднички настап по пауза од четири и пол години.
На турнирот во Квинс, Серена и Викторија Мбоко го поминаа првото коло, но подоцна мораа да се откажат поради повреда на коленото на младата Канаѓанка.
Foto/ Depositphotos
