Атлетико Мадрид успеа со победа да ја стартува новата сезона во Ла лига, иако на „Ванда метрополитано“ се намачи со Хетафе пред да стигне до 1:0 победа.

По спориот старт на мечот, „јорганџиите“ дојдоа до посакуваната предност во 23. минута, откако Киеран Трипиер му направи фантастична асистенција на Алваро Мората, кој ги израдува домашните навивачи.

Хетафе имаше под 40 отсто од поседот на топката, а работите се влошија за гостите откако капитенот Молина доби црвен картон поради опасен старт на глуждот на Томас. Но, Атлетико наместо да ја искористи преднсота на играч повеќе, исто така остана со 10 играчи, откако Ренан Лоди доби два жолти картони во една минута за два бизарни старта само три и пол минути подоцна.

“Atletico spent hundreds of millions on a teenager?”

Yeah and his names Joao Felix pic.twitter.com/JWQY9I6XeY

— Sean (@SeanWalkerSport) August 18, 2019

Сепак, „рохибланкос“ имаа шанса да стават точка на натпреварот во 56. минута, кога португалската ѕвезда Жоао Феликс ја помина речиси цела одбрана на Хетафе, за да изнуди пенал за Атле. Но, Алваро Мората од белата точка не беше прецизен, откако неговиот удар во левиот агол беше одбиен од Сорија.

Хетафе пак, можеше да го казни ова во 86. минута од мечот, откако замената Родригез од работ на шестнаесетникот упати опасен удар, кој помина низ рацете на Облак и заврши во пречката.

Дани Алвеш ова лето се врати во својата татковина, потпишувајќи со Сао Пауло, и во својот прв меч покажа колку вреди и покрај неговите 36 години, постигнувајќи го победничкиот гол за 1:0 триумф над Сеара во бразилската Серие А.

Бразилската легенда во Сао Пауло не игра како дефанзивец туку е фокусиран на нападот од средината на теренот, и во неделата покажа зошто е човекот со најмногу трофеи во кариерата постигнувајќи интелигентен гол за победа.

Рен стигна до импресивна 2:1 победа над францускиот шампион Пари Сен-Жермен во второто коло од Лига 1, забележувајќи ја својата прва домашна победа над големиот фаворит по неверојатни осум години, благодарение на една од најдобрите асистенции во 2019, која беше дело на 16-годишниот Едуардо Камавинга.

А мечот започна толку добро за тимот на Томас Тухел. Единсон Кавани во 36. минута од мечот го искористи притисокот на неговиот тим и грешката на домашната одбрана за да ги доведе „светците“ во водство, но М’Баје Нианг во 44. минута израмни по нафрлањето на Анри Траоре.

16-year-old Eduardo Camavinga just made of the best assists you’ll see this season against PSG 🎯

The young Angola-born Rennes midfielder is an absolute baller. pic.twitter.com/QQC5loBMbJ

— VERSUS (@vsrsus) August 18, 2019

Само што почна второто полувреме, во 48. минута од мечот, тинејџерот од Ангола, Камавинга имаше совршено нафрлање за Роман дел Кастилјо, кој ја смести топката во мрежата на Ареола. До крајот на мечот, ПСЖ доминираше во играта, но домаќините беа поблиску до гол, откако во 63. минута Бурижо ја погоди гредата.

Ако се сметаат и мечевите од минатата сезона, ова е петти гостински пораз во шест натпревари за богатиот тим од Париз.