Конор Мекгрегор има можност да се запише во историјата на УФЦ како борец што освоил шампионскиот титули во три различно категории бидејќи сѐ повеќе се шпекулира за борба помеѓу него и актуелниот шампион в велтер категорија (до 77 килограми) Камару Усман.

Мекгрегор во минатото има три борби во велтер категорија, забележал победа и пораз против Нате Дијаз и го победил пред четири месеци Доналд Сероне.

„Злогласен, сакаш да добиеш шанса за шампионска титула? Усман ќе ти даде шанса и вети дека нема да те нокаутира во првите две рунди. Само ќе ти дели шамари“, рекол менаџерот на нигерискиот борец Али Абделазиз.

„Навистина не знам зошто сакате да умре овој човек“, напишал Камару Усман.

Мекгрегор се уште не одговорил на овие провокации.

Инаку Ирецот е првиот борец во УФЦ кој истовремено бил шампион во две категории, перо-лесна и лесна.

Мекгрегор во кариерата има 22 победи и четири порази, додека Усман има 16 победи и еден пораз, забележан пред седум години.

Биографската книга „Јас, Џорџо“ на капитенот на Јувентус, Џорџо Кјелини, секојдневно предизвикува бурни реакции во италијанската и светската јавност. По критиката за Марио Балотели и Фелипе Мело, кога откри дека од дното на душата го мрази Интер, Кјелини пишува и за поразот од Реал во финалето во Лигата на шампионите во 2017 година.

Титулата во Лигата на шампионите е она за што сонува не само Кјелини туку и сите во Јувентус, особено играчите, кои години се дел од тимот.

Во финалето во 2017 година Јувентус на полувремето имаше 1:1, а на крајот Реал го прегази и со вкупни 4:1 ја освои титулата.

Индиректно, Кјелини ги обвинува Миралем Пјаниќ и Марио Манџукиќ за поразот во финалето.

„Нема што да се каже за тоа финале. Ништо посебно не се случи на полувремето. Бевме екстремно уморни. Изгубувме поради премореност. Манџукиќ лежеше на подот, Пјаниќ не можеше да оди. Мислевме дека по 1:1 ќе се вратиме, но во второто полувреме се драматично застана. За нас, финалињата секогаш доаѓаат премногу доцна“.

Манџукиќ го постигна единствениот гол на тој натпревар, а многумина се согласни дека одбраната е виновна за поразот, особено партнерот на Кјелини, Леонардо Бонучи.

Кјелини: Мело беше јаболко на раздорот, а Балотели заслужи шлаканица

Поранешниот англиски репрезентативец Џо Харт рекол дека е подготвен да замине во странство за да ја оживее својата кариера.

Харт кој некогаш беше незамислив на голот на Англија последен пат во Премиерлигата настапил во 2018 година кога примил пет гола од Евертон како голман на Барнли. Тој изјавил дека се сеќава на секоја секунда од тој натпревар.

„Мојата желба сега е уште посилна. Оваа ситуација не натера да разберам дека сакам да играм фудбал. Јасно ми е дека нема да играм за Реал Мадрид, но мислам дека не сум ја загубил вештината, го знам фудбалот, сакам само повторно да бидам дел од нешто и да придонесувам за клубот“, рекол 33 годишниот голман.

Откако го напушти Манчестер сити Харт бранеше како позајмен во Торино и Вест Хем. За Англија има 75 настапи, а со Сити два пати бил шампион во Премиерлигата.