Рафаел Надал го мина првото коло на гренс-слем турнирот во Мелбурн. Првиот носител на Австралија опен го совлада Уго Делиен од Боливија со 3:0.

Шпанецот на противникот од Боливија му препушти само пет гема во првите два сета, а третиот го доби со нула.

Надал во втората рунда за противник ќе го има победникот од мечот помеѓу Федерико Делбонис и Жоао Соуса.

Првото коло во три сета покрај Надал го минаа Хачанов, Тим, Лајовиќ, Чилиќ, Раониќ, Вавринка, Шварцман, Баутиста-Агут играше четири сета против Босанецот Џумхур, а права драма се одвиваше на неколку терени.

Во пет сета победи забележаа Пер над Стебе, Фоњини над Опелка, Пулманс над Кукушкин и Крајиновиќ над Хејлс.

Аталанта како да го губи здивот во борбата за топ 4 пласман и Лига на шампиони и следната сезона, откако пред домашните навивачи загуби со 1:2 од СПАЛ иако имаше водство до 54. минута од мечот.

Јосип Иличиќ го донесе тимот од Бергамо до водство во 16. минута од мечот со еден апсолутно неверојатен гол со петица по асистенција на Дуван Запата најавувајќи нова победа за тимот.

Меѓутоа, во второто полувреме ситуацијата целосно се смени. Во 54. минута по еден брз контранапад, Река му асистираше на Андреа Петања, кој израмни на 1:1, а само шест минути подоцна, Матија Валоти со прекрасен продор во шестнаесетникот и прецизен удар ги донесе гостите од Ферара во водство.

Аталанта останува на петтото место на табелата, сега со три поени помалку од Рома, а трите поени за СПАЛ значат напуштање на последното место на табелата – тие се на 18. место со 15 поени, колку што има и Бреша, а Џенова на Горан Пандев сега е на фенерот со 14 поени.

Ракометната репрезентација на Германија стигна до убедлива 34:22 победа над домаќинот Австрија во меч од Европското првенство во ракомет, во меч со малку значење, бидејќи двете репрезентации веќе се елиминирани од борбата за полуфинале.

По „кобниот“ и драматичен пораз од Хрватска, на Германците им требаше „чудо“ за пласман понатаму – победа на Белорусија над Шпанија од над шест гола разлика, што секако не се случи (Шпанците стигнаа до лесна победа).

Австрија во првото полувреме имаше предност од два гола (9:7), но по 30 минути беше 16:12 за Германија, предност која „маншафт“ ја зголемуваше како што течеше второто полувреме за на крај да стигне до убедлив триумф.

Тимо Кастенинг со шест гола и Тобијас Рајхман со пет беа најефикасни за германската репрезентација, додека за домаќините Никола Билик пет пати беше прецизен.

ЕВРОПСКО ПРВЕНСТВО ВО РАКОМЕТ

ГРУПА 1

Хрватска – Чешка 22:21 (11:9)

Белорусија – Шпанија 28:37 (16:17)

Австрија – Германија 22:34 (14:16)

Табела: 1.Шпанија 8, 2.Хрватска 8, 3.Германија 4, 4.Австрија 2, 5.Белорусија 2, 6.Чешка 0

Watch the Game Highlights from Austria vs. Germany, 01/20/2020 pic.twitter.com/xmfIaIzn1C

— EHF EURO (@EHFEURO) January 20, 2020