Легендата на Манчестер Јунајтед, Пол Сколс, верува дека трката на Арсенал за титулата во Премиер лигата е завршена по катастрофалниот викенд за нив. Поранешниот играч од средниот ред верува дека моментумот целосно е на страната на Манчестер Сити откако „топџиите“ не успеаја да ја одржат истата предност на врвот на табелата, пишува „Goal.com“.

Ситуацијата во трката за титулата во лигата драматично се промени минатиот викенд, при што предноста на Арсенал на врвот на табелата се намали на само шест бода. Тимот на Микел Артета претрпе шокантен пораз од 2-1 на домашен терен од Борнмут, додека Манчестер Сити ја покажа својата доминација со убедлива победа од 3-0 против Челзи на „Стемфорд Бриџ“.

Со оглед на тоа што тимот на Пеп Гвардиола има натпревар помалку во однос на своите ривали, притисокот расте пред решавачкиот меѓусебен натпревар на стадионот „Етихад“ во недела од 17.30 часот.

За Сколс, неодамнешниот пресврт во резултатите сугерира дека психолошката предност сега е на страна на синиот тим на Манчестер.

Зборувајќи во подкастот „Добриот, лошиот и фудбалот“, Сколс беше директен во својата проценка на способностите на Арсенал.

11-кратниот освојувач на Премиер лигата, верува дека на „Топџиите“ им недостасува победничкиот инстинкт потребен за да се справат со притисокот во трката за титулата, особено истакнувајќи го нивниот настап во големите натпревари.

„Мислам дека е завршено за Арсенал и целиот моментум е на страната на Манчестер Сити“, рече Сколс.

„За да ја освоите лигата, мора да ги победите вашите ривали во одреден момент. Не сум видел да го прават тоа, тие не победуваат на големите натпревари. Не можам да видам ништо друго освен победа на Сити во недела, едноставно не можам да видам нешт друго.“

Foto/ Depositphotos

Атлетико Мадрид, по девет сезони повторно ќе игра полуфинале во Лигата на шампионите. На „Метрополитано“ во Мадрид, Барселона го победи Атлетико со 2.1 во реваншот, но „јорганџиите“ со вкупен резултат 3:2 изборија место меѓу најдобрите четири екипи во Европа.

По натпреварот, кој беше исклучително интензивен, со силно темпо, тренерите Диего Симеоне и Ханси Флик рекоа дека се горди на своите фудбалери.

„Поминаа 14 години и искрено, гледам тим кој сè уште се натпреварува, и тоа навистина ме трогна. Играчите се променија, мораше многу пати да почнеме од нула за да создадеме тим, а сепак повторно сме меѓу четирите најдобри во Европа“, гордо рече Диего Симеоне.

„Вложивме огромен напор во првото полувреме и покрај некои индивидуални грешки, успеавме да се вратиме во натпреварот. Голот беше вистинска убавина. Второто полувреме беше порамноправно. Промените ни дадоа енергија, а тие изгубија дел од темпото што го покажаа во првото полувреме“, смета аргентинскиот тренер.

Атлетико беше поразен од Барселона во Мадрид по втор пат за десет дена, со резултат од 2:1, но успеа да ја одбрани победата од 2:0 на Камп Ноу и покрај големите искушенија во реваншот од четвртфиналето на Лигата на шампионите.

„Требаше да постигнеме уште еден гол во првото полувреме. Навистина брилијантно го одигравме. Горд на тоа. Меѓутоа примивме гол. На крајот таков е фудбалот. Но ставот на моите фудбалери, навистина ме прави горд“, рече Ханси Флик по натпреварот и дополни.

„Следниот чекор е да ја освоиме Ла Лига. Мораме да го потврдиме ставот, менталитетот. Сите сме разочарани. Голем сон е за сите да ја освојат Лигата на шампионите. Секако дека мора да учиме, но имаме и млад тим. Мора да се подобриме и ќе се подобриме следната сезона.“

Foto/ EPA

Тренерот на Ливерпул, Арне Слот, направи малку бизарен потег во четвртфиналниот натпревар од Лигата на шампионите против Пари Сен Жермен.

Слот направи двојна замена на полувремето, при резултат 0:0, а еден од играчите што влезе беше дефанзивецот Џо Гомез, кој го замени Џереми Фримпонг.

Сепак, по малку повеќе од 20 минути игра во второто полувреме, односно во 67-та минута, Слот одлучи да го извади Гомез од игра. Тој беше заменет од младиот напаѓач Рио Нгумоа.

Нема информации дека Гомез претрпел некаква повреда, ниту пак се чинеше дека е така кога го напушти теренот, што го прави овој потег на Слото многу необичен.

Само пет минути откако Гомез го напушти теренот, Ливерпул прими гол за 0:1, а до крајот Дембеле постигна уште еден, со што го постави конечниот резултат 0:2.