Контакт

Популарно

Шаховскиот клуб „Алкалоид“ подготвен за Европскиот клупски куп 2021

Објавено пред

Најсилното екипно шаховско натпреварување, Европскиот клупски куп, по едногодишна пауза, оваа година се одржува од 17 до 24 септември, при тоа, повторно после 2015 ќе биде на „наш терен” во Струга.

Во 2016 година ШК „Алкалоид“ го освои Европскиот клупски куп и ја понесе титулата Европски шампион! Европското клупско злато беше освоено во годината кога клубот одбележа 40 години од своето формирање. Во 2017 година ШК „Алкалоид“ продолжи со успешен настап на Европскиот клупски куп и од Анталија (Турција) се врати со сребрениот медал.

За 2021 година клубот е подготвен за настап со неколку промени во својот машки состав. Новина е фактот дека ШК „Алкалоид“ за првпат ќе учествува на Европскиот клупски куп за жени со своја екипа.

Предводник на екипата е еден од најсилните светски шахисти, велемајсторот Shakhriyar Mammadyarov (Азербејџан) кој настапуваше за „Алкалоид“ во 2007, 2008, 2009 и 2019 година. Рангиран моментално на шестото место на Светската рејтинг листа, еден од ретките шахисти кои ја поминале границата од 2.800 рејтинг поени. Познат е и омилен на шаховската јавност по својот бескомпромисен и динамичен стил на игра. Оваа година на елитниот турнир Superbet Chess Classic кој што се одржа во јули во Романија, во конкуренција на најсилните светски шахисти го освои првото место.

Велемајсторот Yuriy Kryvoruchko (Украина) од странските појачувања досега има најмногу настапи за „Алкалоид“ на Европскиот клупски куп, на вкупно 5 настапи има одиграно 34 патии со мошне висок (74%) резултат, односно освоени 25 поени.

По успешниот настап во 2019 година, повторно во екипата на „Алкалоид“ е шампионот на САД за 2018 година велемајсторот Sam Shankland, кој со репрезентацијата на САД беше и освојувач на златен олимписки медал во 2018 година. Во 2021 година зад себе има неколку успешни турнири, победа на силниот затворен турнир Prague Masters освојувајќи 5,5 поени од 7 партии. На неодамна завршениот Светски куп 2021 стигна до четврт-финалето каде што по долга борба изгуби од поранешниот предизвикувач на светскиот првак, Сергеј Карјакин.

Повторно во екипата е велемајсторот Ernesto Inarkiev (Русија), европски шампион во поединечна конкуренција од 2016 година, кој за „Алкалоид“ настапи досега на два Европски клупски купови и тоа 2008 и 2019 година.

За првпат во екипата на ШК „Алкалоид“ ќе настапат:

– Велемајсторот Daniil Dubov (Русија), со светска шампионска титула во забрзан шах во 2018 година – освојувајќи го трофејот пред елитните велемајстори Магнус Карлсен;

– (Светскиот шампион од Норвешка), Шахријар Мамедјаров и Хикару Накамура (САД). Дваесет и петгодишниот Дубов важи за еден од најкреативните шахисти, честопати со победи во прекрасен стил.

– Велемајсторот Alexandr Predke (Русија), 27-годишен претставник на истата најсилна руска школа шахисти кој ќе ја засили оваа година екипата на „Алкалоид“.

Во составот на ШК „Алкалоид“ се македонските стандардни државни репрезентативци и повеќекратни државни шампиони, интернационален мајстор Филип Панчевски и велемајсторот Трајко Недев. Капитен на екипата е велемајсторот Драгољуб Јаќимовиќ. Со освежен состав, искусните „фармацевти“ ќе ја продолжат и оваа година спортската битка за европскиот врв.

На Европскиот клупски куп оваа година се пријавени 38 екипи, меѓу кои како конкуренти за највисок пласман ќе бидат Mednyi Vsadnik (Русија) – шампиони од 2017 година, Novy Bor (Чешка) – второпласирани 2018 година, KPRF (Русија) – вообичаено со мошне силен состав, Offerspill Chess Club (Норвешка) – со светскиот шампион Магнус Карлсен на првата табла. Во секој случај се очекува рамноправна и до крај неизвесна борба за подобар пласман и освојување на медали.

На Европскиот клупски куп во женска конкуренција, оваа година има релативно мал број екипи (само 8), но како и во минатите години голем дел од врвните шахистки се членови на екипите што ќе се борат за највисок пласман и тоа: Monte Carlo – повеќекратен освојувач на Европскиот клупски куп (со Aleksandra Goryackina која беше 2020 предизвикувач на светската првенка); GRECO Kyiv (Украина) – со елитните шахистки сестрите Muzycuk Ana (светска шампионка) и Marija (предизвикувачка и еднакво силна); а секако и најдобрата руска екипа South Ural.

ШК „Алкалоид“ во својот прв настап е рангиран во стартната листа према просечен рејтинг ва средината на табелата. Во својот состав ги има: интернационалните мајстори Polina Shuvalova (Русија) – најдобра светска јуниорка до 20 години, потоа Ekaterina Atalik (Турција) со Irina Bulmaga (Романија) кои веќе настапија за победничката екипа на „Алкалоид“ на неодамна завршеното екипно државно првенство за жени. Покрај нив, ќе настапат најдобрите македонски шахистки, долгогодишни државни репрезентативки: женски ФМ Моника Стојковска и женски ИМ Габриела Коскоска.

 

 

(ПР текст)

Популарно

(Видео) Гледачка предизвика еден од најголемите судири на велосипедисти на Тур де Франс

Објавено пред

Гледачка на Тур де Франс ненамерно предизвика инцидент и огромен застој на првата етапа од трката, откако поттикна еден од најлошите судири некогаш забележани.

Германскиот велосипедист Тони Мартин (36) се судри со гледачката крај патот, што предизвика домино ефект бидејќи потоа почнаа да паѓаат и велосипедистите зад него.

Воздушна снимка од инцидентот беше споделена на социјалните мрежи, каде што некои од корисниците коментираа дека ова вројатно е најлошиот судир кој го виделе на Тур де Франс досега.

Видео снимено од поблизок агол детално покажува што се случило, бидејќи на него се гледа дека гледачката, која го предизвика страшниот инцидент, всушност излегла на патот за да се обиде да се појави пред камера.

Нејзиното име не е е објавено, но се гледа дека носи жолто палто и држи голем картонски натпис на кој пишува „ALLEZ OPI-OMI!“, што во превод значи „Напред дедо и бабо!“.

Таа со натписот им го блокираше патот на велосипедистите, но се чини дека во обид да се појави пред камерите, беше потполно несвесна за тоа.

Така, патот на Тони Мартин беше попречен и тој немаше друг избор освен да удри во гледачката, пред велосипедистот од левата страна да се сруши врз него.

Многу други застанаа, накратко запирајќи ја трката, додека оние што беа зафатени во судирот се обидоа да се опорават и да продолжат понатаму.

Некои од екипите учесници на трката подоцна се огласија на „Твитер“ и ги замолија навивачите да избегнуваат попречување на трасата.

Заменик-директорот на трката, Пјер-Ив Туло, за агенцијата „Франс прес“ изјави: „Ќе ја тужиме оваа жена која се однесуваше толку лошо. Ќе го направиме тоа за малкуте луѓе кои прават вакви испади да не го расипат шоуто за сите“.

Најголемата велосипедска трка во светот, 108. издание на Тур де Франс, започна вчера, а во првата етапа, на 197,8 километри долгиот пат од Брест до Ландерно, попеди светскиот шампион, Французинот Жулиен Алафилип.

Прикажи повеќе...

Популарно

Mакедонските возачи на TWINGO CUP викендов со нов интернационален предизвик на тркачката патека во Серес, Грција

Објавено пред

AKK RENAULT SPORT како организатор на RENAULT TWINGO CUP и официјалните претставници на LEMA Racing најавуваат уште еден интернационален настап за TWINGO CUP натпреварувачите и тоа на тркачката патека во Серес, Грција викендов на 26 и 27 јуни.

Во Серес ќе се возат петтата и шестата трка од Twingo Eurocup, бодувани согласно регулативите и признанија на FIA CEZ, a истата трка ќе се бодува и за првенството на Македонија.

Пријавени се вкупно 23 возила од: Словенија, Унгарија, Србија и 10 македонски натпревaрувачи: Ненад Костовски, Иван Стефановски, Слободан Трајковски, Давид Малинковски, Мартин Костовски, Зоран Миракоски, Емил Нацка, Ангелче Стојковски, Владимир Тренески и Милан Ѓорѓевиќ.

Во продолжение е стартната листа:

Официјалната програма на натпреварите е следна:

26 јуни (сабота)

08:00-10:00 Верификација и технички преглед
10:00-12:00 Слободен тренинг
12:00-13:00 Квалификации
13:00-15:00 Пауза за ручек
15:00-17:00 Прва трка
17:00-18:00 Церемонија на доделување на награди

27 јуни (недела)

10:00-12:00 Слободен тренинг
12:00 – 13:00 Пауза за ручек
13:00- 15:00 Втора трка
15:30 Церемонија на доделување на награди

По четири извозени трки во генералниот пласман во првенството на Македонија првото место го делат Давид Малинковски и Ангелче Стојковски кои имаат по 52 бода, додека пак на третото место е Мартин Костовски со 42 бода.

Следниот меѓународен натпревар каде нашите возачи ќе бидат бодувани согласно регулативите и признанија на FIA CEZ е закажан во Гробник – Хрватска од 23 – 25.07.2021 додека пак финалната трка за заокружување на сезоната е закажана повторно во Серес – Грција (Ноември) CEZ во организација на АКК Рено Спорт Скопје.

Голема благодарност до нашите поддржувачи: Аутомотив Груп, RENAULT, Триглав Осигурување, Power Sport System (PSS) и Шпаркасе Лизинг кои овозможуваат да трките се организираат на високо ниво како на домашните така и на меѓународните автомобилски стази.

Прикажи повеќе...

Популарно

Кој ќе си заработи „пежо“ од Sport Life?

Објавено пред

Остана уште малку време до крајот на акцијата „Двојна шанса за Peugeot 3008” на Sport Life. Во неа, типувачите, членови на СЛ клубот се натпреваруваат за новиот кросовер на пежо, а во игра се не едно, туку две возила. Се одбираат натпревари од посебната акциска понуда, од која дури 50 натпревари може да се наредат на тикет. Висината на вкупниот погоден коефициент на еден добитен тикет ќе го одреди победникот и добитник на едното возило, додека второто возило е за носителот на тикетот со највисок погоден вкупен коефициент, на кој има еден промашен пар.

Двојната трка за освојување на атрактивниот СУВ, ќе трае до крајот на овој месец, по што ќе ги дознаеме најдобрите и најсреќните типувачи на Sport Life. Текот на играта и играчите со највисоки освоени коефициенти во моментов, можете да ги видите на следниот ЛИНК и на вебсајтот на Sport Life.

Со учество во натпреварот се добиваат и поени за Типстер купот и право на другите програми на СЛ клубот. Минималната уплата на тикет е 20 денари, а максималната исплата на тикет е 10.000.000 денари, а на крајот некој ќе си замине и со францускиот СУВ-пежо 3008.

Прикажи повеќе...

Најново

Македонија1 час

Димитриевски: Лица од МВР три недели нè следат мене и мојот тим, тоа е вршење притисок поради изборите

Градоначалникот на Куманово, Максим Димитриевски, кого утрово полицијата го сопре и го прaти со возилото на технички преглед, на прес-конференција...

Македонија2 часа

Се укинува ограничувањето на бројот на гости на една маса во угостителските објекти

Владата на денешната редовна 113. седница, меѓу другото, во согласност со моментната епидемиолошка состојба во државата усвои измени и дополнувања...

Македонија4 часа

(Видео) Мицкоски ја повика цела опозиција зa уривање на Владата

Претседателот на ВМРО-ДПМНЕ, Христијан Мицкоски, упати повик до Левица и сите опозициски партии, но и до владините кои се во...

Македонија4 часа

За една недела од коронавирус починале 26 вакцинирани лица, од кои најголем дел примиле „синофарм“

Во периодот од 8 до 14 октомври од коронавирус починале 105 пациенти, а 75 % од нив не биле вакцинирани....

Македонија5 часа

МВР не ја наведува причината за запирањето на Максим Димитриевски и најави истрага за случајот

Од Министерството за внатрешни работи по сопирањето на градоначалникот на Куманово, Максим Димитриевски, велат дека за случајот е вклучен Одделот...

Македонија6 часа

Уште 27 Авганистанци заминаа од земјава

Група од 27 граѓани на Авганистан кои привремено престојуваа во земјава изутрината од Меѓународниот аеродром Скопје, со членови на нивните...

Македонија7 часа

35 проценти од популацијата во државата примиле две дози вакцина

Во текот на вчерашниот ден аплицирани се вкупно 3.475 дози вакцини, од кои 917 се аплицирани како прва доза, 2.509...

Македонија7 часа

Симовски: Резултатите од пописот најдоцна до март

Директорот на државниот завод за статистика, Апостол Симовски, информира дека обработката на податоците од пописот е почната веднаш по неговото...

Европа9 часа

Турција нареди нови апсења, 33 војници се меѓу 158 осомничени во врска со Ѓулен

Турското обвинителство нареди апсење на 158 осомничени, вклучително и 33 припадници на војската, во опсежна операција насочена против лица наводно...

Регион10 часа

Извештајот за напредокот на Македонија ќе биде објавен денеска во Стразбур

Се очекува денеска во Стразбур да биде усвоен Пакетот за проширување на земјите од Западен Балкан. Пакетот за проширување вклучува...

Свет10 часа

Северна Кореја лансираше ракета во морето

Северна Кореја лансираше неидентификувана ракета во морето, соопшти јужнокорејската војска. Ракетата е лансирана во морето источно од полуостровот, соопшти армијата...

Македонија20 часа

По првиот круг градоначалници се избрани во 34 општини

По првиот круг од локалните избори избрани се градоначалници во 34 општини, покажуваат првичните податоци на Државната изборна комисија. Во...

Македонија21 час

ДИК: Арсовска освои 7.805 гласа повеќе од Шилегов во првиот круг

Според податоците што вечерва ги соопшти претседателот на Државната изборна комисија (ДИК), Александар Даштевски, скопјани во вториот круг за челник...

Македонија1 ден

19 починати и 107 заболени од Ковид-19 во последните 24 часа

Министерството за здравство информира дека во последните 24 часа направени се 1.668 тестирања, а регистрирани се 107 нови случаи на...

Македонија1 ден

Шилегов очекува победа во вториот изборен круг

Петре Шилегов, кандидатот на СДСМ за Град Скопје, вели дека влегува во изборната трка во втор круг, со изедначен број...

Македонија1 ден

Арсовска: Во вториот круг влегувам со голема предност, време е за модерно и современо Скопје

Независната кандидатка за градоначалничка на Скопје Данела Арсовска со повик до скопјани и во вториот круг да ја поддржат на...

Македонија1 ден

Поткуп на гласачи, изнуда, дошол пијан да гласа – Јавното обвинителство постапува по изборните нерегуларности

Во текот на организирањето и спроведувањето на локалните избори заклучно со првиот круг на гласање одржан на 17 октомври 2021...

Македонија1 ден

ВМРО-ДПМНЕ победи во 20, а СДСМ во 9 општини во првиот круг, според досега целосно обработените податоци

Oд целосно обработените податоци од Државната изборна комисија (ДИК), на локалните избори во првиот круг избрани се  32 градоначалници. Според...

Економија1 ден

Горивата поскапуваат

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Македонија1 ден

ДИК го заврши пребројувањето во Куманово – Димитриевски води со 22 гласа пред Илиевски

Актуелниот градоначалник на Куманово, Максим Димитриевски, води пред кандидатот на СДСМ Оливер Илиевски за 22 гласа, согласно последната промена направена...

Досие