Спорт
Алексис Санчез во последната минута ги спаси Јунајтед и Мурињо (Видео)
Инфаркт натпревар на „Олд Трафорд“ одиграа Манчестер јунајтед и Њукасл кој заврши со победа на домашниот тим 3:2, откако до 70.минута Њукасл водеше 0:2.
Кошмарно започна натпреварот за Жозе Мурињо и Манчестер јунајтед. Њукалс во првите десет минути два…
Инфаркт натпревар на „Олд Трафорд“ одиграа Манчестер јунајтед и Њукасл кој заврши со победа на домашниот тим 3:2, откако до 70.минута Њукасл водеше 0:2.
Кошмарно започна натпреварот за Жозе Мурињо и Манчестер јунајтед. Њукалс во првите десет минути два пати го натера Де Хеа да ја вади топката од својата мрежа. Кенеди во седмата и Муто во 10.минута беа стрелци за „страчките“.
Црвените ѓаволи делуваа изгубено во првото полувреме, одбраната беше катастрофална, поради што Мурињо во 19.минута го извади од игра Ерик Баи.
Можеби клучен момент на мечот се случи во финишот на првиот дел кога судијата не досуди пенал за Њукасл по очигледното играње со рака пред својот гол од страна на Ешли Јанг.
Во вториот дел Јунајтед изврши силен притисок, чисти шанси промашија Матиќ и Рашфорд, а прв кој го совлада одличниот голман Дубравка беше Мата во 70.минута. Шпанецот постигна гол од слободен удар.
Шест минути подоцна проработе француската врска Погба и Марсијал, а вториот постигна гол за 2:2.
Откако Лукаку спаси чист гол по ударот на Дијаме, точка на натпреварот стави Алексис Санчез во 90.минута. Ова беше само четврти гол за Чилеанецот откако пристигна во клубот од Арсенал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.