Спорт
Англија ја „скрши“ пенал клетвата и влета во четврт-финале
Првпат во историјата на едно Светско првенство, Англија доби нокаут натпревар на пенали, откако во драматична завршница загуби водство од 1:0 во регуларниот дел, за Ерик Даер да го постигне победничкиот гол во пенал серијата.
Англичаните сега ќе сонува…
Првпат во историјата на едно Светско првенство, Англија доби нокаут натпревар на пенали, откако во драматична завршница загуби водство од 1:0 во регуларниот дел, за Ерик Даер да го постигне победничкиот гол во пенал серијата.
Англичаните сега ќе сонуваат за финале и титула, бидејќи во четврт-финалето ги чека Шведска, додека во полуфиналето би играле против подобриот од дуелот Хрватска-Русија, избегнувајќи ги опасните Франција, Бразил и Белгија.
Колумбијците немаа среќа откако се вратија со гол во 93. минута од мечот, и имаа подобри први 15 минути од продолжението, но денеска беше денот во кој Англија ја скрши „клетвата“ на пеналите.
Англија пред овој натпревар во ниту еден од претходните три ситуации во кои пеналите решаваа кој ќе оди понатаму, немаа победено. Англичаните загубија на пенали во 1990, 1998 и 2006 година, скор каков што нема ниту една репрезентација што барем трипати играла нокаут мечеви на Мундијалот.
Во 1990 година во полуфиналето против Германија утнаа Стјуарт Пирс и Крис Водл, во 1998 година во четврт-финалето против Аргентина утнаа Пол Инс и Дејвид Бати, и во четврт-финалето во 2006 против Португалија, утнаа Френк Лампард, Стивен Џерард и Џејми Карагер.
На ова може да се додаде и Европското првенство во 1996 година на домашен терен, кога во полуфиналето против Германија, во пенал-серијата утна сегашниот селектор на „трите лава“, Герет Саутгејт. Во 2004 година, Англија повторно испадна на пенали на Европското првенство против Португалија во четврт-финалето, кога Дејвид Бекам не беше прецизен, додека на Евро 2016, тројца Англичани утнаа во четврт-финалето против Италија.
Единствена победа во пенал-рулетот беше на Евро 1996 година, кога ја победија Шпанија пред поразот од Германија во полуфиналето.
Повеќе за регуларните 90 минути, прочитајте на линкот подолу.
ПЕНАЛ СЕРИЈА, КОЛУМБИЈА – АНГЛИЈА 3:4
Фалкао О, Кејн О, Квадрадо О, Рашфорд О, Муриел О, Хендерсон Х, Урибе Х, Трипиер О, Бака Х, Даер О.
Мина им ја „украде“ победата на Англичаните – продолженија во Москва (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.