Спорт
Андерсон по шест и пол часа избори финале на Вимблдон
Јужноафриканецот Кевин Андерсон е првиот финалист во Вимблдон, откако во епско полу-финале, по шест часа и 41 минута во пет сета го победи Американецот Џон Изнер. Последниот сет траеше два часа и 55 минути, а Андерсон го доби со 26:24.
Андерсон и Изнер…
Јужноафриканецот Кевин Андерсон е првиот финалист во Вимблдон, откако во епско полу-финале, по шест часа и 41 минута во пет сета го победи Американецот Џон Изнер. Последниот сет траеше два часа и 55 минути, а Андерсон го доби со 26:24.
Андерсон и Изнер го одиграа третиот најдолг меч во историјата на Вимблдон, а ќе бидат запишани во историјата бидејќи ова е најдолгиот полу-финалето меч во „Олд Ингланд клубот“.
Очекувано кога се работи за двајца играчи чие најсилно оружје е сервисот, првите три сета беа решени во тај-брејкот.
Во првите два сета имаше неколку можности за брејк на двете страни, меѓутоа Андерсон и Изнер ги чуваа своите сервис гемови.
Третиот сет го донесе првиот брејк него го нарави Андерсон во осмиот гем, а кога во наредниот сервираше за 2:1 во сетови, Изнер возврати со ри-брејк. Во тај-брејкот, во третиот сет, Андрерсон имаше сет топка, не ја искористи, а Изнер со 9:11 го освои сетот и поведе со 2:1.
Четвртиот сет во целост му припадна на Андерсон, кој два пати го освои сервисот на противникот, израмни на 2:2 и го однесе мечот во петти сет, каде според традицијата во Вимблдон се игра на разлика.
Решавачкиот сет понуди епска борба, а единствениот брејк беше направен во 49.гем. Андерсон направи брејк, а потоа во 50. ја заклучи приказната за првото полу-финале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.