Спорт
Анти-обложувачки ден во Премиер лигата, домашни порази за Сити и Челси (видео)
Англиската Премиер лига денеска донесе крајно разочарувачки ден, особено за обложувачите. На шесте саботни натпревари во традиционалниот термин, 16 часот, само една домашна екипа успеа да забележи победа, а притоа домашни порази доживеаја двата фудбалс…
Англиската Премиер лига денеска донесе крајно разочарувачки ден, особено за обложувачите. На шесте саботни натпревари во традиционалниот термин, 16 часот, само една домашна екипа успеа да забележи победа, а притоа домашни порази доживеаја двата фудбалски гиганти, Манчестер Сити и Челси.
Сити загуби пред своите гледачи од Кристал Палас иако во 27 минута преку Гундоган домаќините имаа водство од 1-0. Сепак до крајот на полувремето гостите со головите на Шлуп и Таунсенд (посебно убав беше вториов гол)го свртеа резултатот во своја корист.
Во вториот дел Сити ја имаше комплетната доминација, но сепак залудно, затоа што по една грешка на Вокер (го сруши противничкиот играч во шеснаесетникот) гостите преку Миливојевиќ од пенал зголемија на 1-3. До крајот на мечот Де Брујне во 85 минута успеа само да намали на 2-3, што беше конечен резултат.
Челси го претрпе првиот пораз сезонава на „Стемфорд Бриџ“, а единствениот гол за гостите од Лестер вреден 3 бода беше дело на Џејми Варди во 51 минута.
На останатите четири меча од 18 коло Борнмут со 2-0 го доби Брајтон, Хадерсфилд беше поразен на домашен терен од Саутемптон со 1-3, Њукасл и Фулам одиграа досадно реми 0-0, додека Вест хем беше изненаден дома од тимот на Ватфорт, пораз од 0-2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…