Спорт
Аргентина не е мртва! Рохо за осминафинале!
Аргентина не е отпишана, туку ќе се бори за четврт-финале на Мундијалот во Русија во мега-пресметка со Франција!
Со супер-тешка 2:1 победа над Нигерија, комбинирана со победата на Хрватска од 2:1 против Исланд, Лео Меси и неговите соиграчи ќе имаат за …
Аргентина не е отпишана, туку ќе се бори за четврт-финале на Мундијалот во Русија во мега-пресметка со Франција!
Со супер-тешка 2:1 победа над Нигерија, комбинирана со победата на Хрватска од 2:1 против Исланд, Лео Меси и неговите соиграчи ќе имаат за што да се борат на Мундијалот во Русија по тензичната вечер на „Крестовски“ во Санкт Петербург.
На моменти изгледаше дека „албиселесте“ ќе се спакуваат и ќе си одат дома, посебно откако цврстите Нигеријци оддолеваа на нападите при 1:1, пред Маркос Рохо, неколку минути откако беше „ослободен“ од вината и не беше досуден пенал по играта со рака во својот шестнаесетник, да го постигне најзначајниот гол во неговата кариера.
Аргентина тргна опасно и во 15. минута, Лионел Меси имаше одлична контрола на топката, за да ги донесе во транс аргентинските фанови на „Крестовски“ со фантастичен гол. Капитенот конечно на висината на задачата.
Меси во 27. минута фантастично го проигрува Игуаин, но неговиот удар го фаќа младиот голман Узохо. Во 34. минута Меси ја погодува стативата и Нигеријците имаат среќа што не губат со поголема гол разлика.
На стартот на второто полувреме, шок на „гаучосите“. Маскерано го фаулираше Балогун во шестнаесетникот и Виктор Мозес со импресивно изведување на пенал израмнува на 1:1. Бидејќи ова беше резултат кој не одговараше на Аргентина, нормално тие тргнаа во напад со малку решенија пред голот.
Во 76. минута, можен пенал за Нигерија, а судијата Чакир по прегледувањето на ВАР снимката одредува дека Маркос Рохо играл ненамерно со рака. Во 81. минута, Игуаин имаше големо промашување, за во 86. минута, Рохо да добие совршена топка од Меркадо за да донесе водство за Аргентина и осминафинале.
Хрватска, со најголемите ѕвезди на клупата, имаше тешко прво полувреме против мотивираните Исланѓани, но голманот Ловре Калиниќ се покажа на ниво на задачата.
Гилфи Сигурдсон во 31. минута имаше одлична шанса од слободен удар, но Калиниќ ја фати топката, а во 34. минута, ударот на Арнасон завршува во дефанзивците на Хрватска, пред Сигурдсон повторно да се обиде. Исланѓаните далеку поконкретни пред голот на „коцкестите“ и Финбогасон во 41. минута од натпреварот проигрува одлично до Сигурдсон, но неговиот удар поминува покрај голот.
Хрватите се созедоа во второто полувреме, кога Бадељ прво во 52. минута со силен удар од речиси триесет метри ја погоди пречката, пред во следната минута по една мешаница во противничкиот шестнаесетник, Бадељ да донесе водство за Хрватска.
Исланѓаните не се предадоа и во 76. минута притисокот се исплатеше – Ловрен игра со рака во шестнаесетникот, а Сигурдсон е сигурен од белата точка. Хрватска, сепак, со совршени три победи во три меча ги завршува натпреварите по групи, откако Иван Перишиќ во 90. минута и дефинитивно ги „отпишува“ „рибарите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.