Спорт
Атлетико до Барселона: Здодевни сте, Гризман не е на продажба
Фудбалскиот клуб Атлетико Мадрид се огласи со соопштение по изјавите на челниците на Барселона дека имале разговори со клупската ѕвезда Антоан Гризман. Претседателот на барселона, Џозеп Марија Бартомеу, вечера изјавил дека во октомври минатата година р…
Фудбалскиот клуб Атлетико Мадрид се огласи со соопштение по изјавите на челниците на Барселона дека имале разговори со клупската ѕвезда Антоан Гризман. Претседателот на барселона, Џозеп Марија Бартомеу, вечера изјавил дека во октомври минатата година разговарал со преставници на Гризман и дека многу често со челниците на Атлетико и првиот човек на клубот Енрике Сересо „разговарале за многу работи“.
„Здодевен е ставот на Барселона. Апсолутен недостиг на потчит кон Атлетико и неговите навивачи е кога претседател, фудбалер и член на одборот на таков начин говорат за иднината на фудбалер кој има договор и тоа на само неколку дена пред финале на европско натпреварување“, се наведува во соопштението потпишано од директорот на Атлетико Мигел Анхел Хил Марин.
„Ставот на Атлетико е јасен и неколку пати е истакнат во јавноста. Ниту еднаш не сме преговарале во врска со Гризман и немаме намера тоа да го направиме. Пред неколку дена лично на претседателот на Барселона му кажав дека нашиот фудбалер не е на продажба и дека нема да го продадеме. Во исто време му потенцирав дека неговото однесување е против интегритетот на на натпреварувањето, особени бидејќи цела сезона се против Барселона се бореме за титулата, а тој константно вршеше притисок врз еден од нашите клучни играчи. Исто така му кажав дека доколку играчот го искористи правото да го раскине договорот поради константниот притисок во текот на целата сезона, дека во тој случај Атлетико ќе бара компензација од Барселона“.
„Кога е доста, тогаш навитина е доста. Се надевам дека ова соопштение ќе им овозможи на навивачите на Атлетико да уживаат во овој момент и да се подготват за финалето“, пишува Хил Марин.
Атлетико за една недела, на 16.мај, против Олимпик Марсеј, ќе игра во финалето во Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.