Спорт
Ајакс преку „пеколот“ во Атина во осмина-финалето на ЛШ (видео)
Холандскиот гигант Ајакс ја издржа непријателската атмосфера во Атина и упорниот домашен тим, за со 2:0 победа над ПАОК да обезбеди осминафинале на Лигата на шампионите на еден меч пред крајот на натпреварите по групи.
Откако холандските навивачи и грч…
Холандскиот гигант Ајакс ги издржа непријателската атмосфера во Атина и упорниот домашен тим за со 2:0 победа над ПАОК да обезбеди осмина-финале на Лигата на шампионите на еден меч пред крајот на натпреварите по групи.
Кога холандските навивачи и грчките домаќини се тепаа низ грчката престолнина во текот на понеделникот, проблеми се направија на трибините и пред почетокот на мечот кога неколку навивачи на АЕК успеаја да стигнат до делот каде што беа Холанѓаните и да фрлат „молотов коктел“ кон нив!
Segundo 20, lanzan contra el Ajax un coctel molotov. Por suerte da en el cristal. pic.twitter.com/QjyJx4fPTv
— Heisenberg (@albert_peti) November 27, 2018
На теренот фудбалерите на Ајакс се мачеа да стигнат до предност сѐ до 67. минута кога Хрватот Марко Ливаја доби втор жолт картон. Ситуацијата со играч повеќе ја искористија „копјаниците“, кои со двата гола на Душан Тадиќ (првиот од пенал) осигураа пласман во осмина-финалето и дуел со Баерн за првото место на табелата.
Во вториот меч од програмата од 18 часот, Викторија Плзењ со 2:1 го совлада ЦСКА Москва на гости за да ги задржат шансите за трето место во групата Г и пласман во Лига Европа.
ЦСКА водеше со 1:0 со голот од пенал на Никола Влашиќ од 10. минута, а чешкиот клуб првин пропушти да израмни од пенал во финишот на полувремето пред во второто да постигнат два гола за пресврт и прва победа оваа сезона во ЛШ.
Фото: ЕПА
ГРУПА Е
АЕК Атина – Ајакс 0:2
Табела: Ајакс 11, Баерн 10, Бенфика 4, АЕК 0
ГРУПА Г
ЦСКА Москва – Викторија Плзењ 1:2
Табела: Рома 9, Реал М. 9, ЦСКА 4, Плзењ 4
Фото: ЕПА
АЕК – АЈАКС
ЦСКА – ВИКТОРИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024