Спорт
Белгија без Бентеке на СП
Роберто Мартинез, селекторот на фудбалската репрезентација на Белгија, го објави конечниот список на фудбалери што ќе настапат на Светското првенство во Русија. Од проширенито список отпаднаа Мац Селс, Кристијан Кабаселе, Лоран Симан, Џордан Лукаку и К…
Роберто Мартинез, селекторот на фудбалската репрезентација на Белгија, го објави конечниот список на фудбалерите што ќе настапат на Светското првенство во Русија. Од проширениот список отпаднаа Мац Селс, Кристијан Кабаселе, Лоран Симан, Џордан Лукаку и Кристијан Бентеке.
Белгискиот селектор на спискот има 24 фудбалери. Тука е и Венсан Компани, кој се повреди на пријателскиот натпревар против Португалија.
Големо изненадување за јавноста претставува неповикувањето на Кристијан Бентеке.
„Барам рамнотежа во репрезентацијата. Тешка беше одлуката за Бентеке. Решив на списокот да бидат двајца напаѓачи, а тоа се Лукаку и Матшуаи. Дрис Мертенс е трета опција во нападот, тој може да игра на таа позиција“, рекол Мартинез.
Навивачите преку социјалните мрежи го изразија незадоволството од изборот на Мартинез. Според нив, не е реално на СП да не одат Наинголан и Бентеке, а во тимот да бидат Дендокер и Јанузај.
Составот на Белгија за СП:
Голмани: Коен Кастелс, Тибо Куртоа, Симон Мињоле
Одбрана: Тоби Алдервирелд. Дедрик Бојата, Томас Вермален, Јан Вертонген, Леандер Дендокер, Венсан Компани, Томас Муние
Среден ред: Насер Шадли, Торган Азар, Маруан Фелаини, Аднан Јанузај, Муса Дембеле, Јури Тилеманс, Аксел Витсел, Кевин де Брујне
Напад: Јаник Караско, Дрис Мертенс, Миши Батшуаи, Еден Азар, Ромелу Лукаку.
Белгија на СП ќе игра во Г-групата заедно со Англија, Панама и со Тунис.
? This is our @FIFAWorldCup squad list !
Let’s go #REDTOGETHER to Russia ! ??? #WorldCup ? pic.twitter.com/4FBWfiKZGJ
— Belgian Red Devils (@BelRedDevils) June 4, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пиоли ќе добие отказ, постои список со пет имиња за негов наследник
Стефано Пиоли ќе биде тренер на Милан до крајот на сезоната, по што ќе добие отказ, пишуваат италијанските медиуми. Тоа ќе биде крај на петгодишната соработка која на Милан му ја донесе првата титула во Серија А по 11 години во 2022 година. На „Сан Сиро“ веќе размислуваат кој ќе биде нов тренер, а моментално се издвојуваат пет кандидати.
Според „газета дело Спорт“, најголеми фаворити се Пауло Фонсека и Хулен Лопетеги.
Фонсека е 51-годишен Португалец кој моментално раководи со Лил, а две години работеше во Италија како тренер на Рома. Лопетеги (57) оваа сезона е без работа откако се раздели со Вулверхемптон, во минатото тој беше тренер на Реал и Севилја и селектор на Шпанија.
Како резервни опции се споменуваат Кристоф Галтиер, поранешниот тренер на ПСЖ кој сега го води катарскиот Ал-Духаил и Марсело Гаљардо, долгогодишниот тренер на Ривер Плата, кој моментално го тренира саудискиот Ал-Итихад.
Во потрагата по нов тренер се приклучи и клупскиот советник Златан Ибрахимовиќ, а „Тутоспорт“, пишува дека тој го предложил Марк ван Бомел. Ван Бомел е актуелен тренер на Антверпен, со кој беше и шампион на Белгија, а во Милан играше во сезоната 2011/12 кога му беше соиграч Ибрахимовиќ.
Спорт
(Видео) Мајами и Њу Орлеанс се пласираа во плеј-офот
Кошаркарите на Мајами Хит и Њу Орлеанс Пеликанс се последните учесници во НБА плејофот. Во првата рунда тие ќе се соочат со првите носители на нивните конференции – Хит против Бостон Селтикс, а Пеликанс против Оклахома Сити Тандер.
Хит играше и ќе игра без повредениот Џими Батлер, а најефикасен беше Тајлер Хиро со 24 поени (8-17 од поле), 10 скока и 9 асистенции. Хамес Хакез додаде 21 поен (8-16 од поле, 6ск, 6ст). Кевин Лав постигна 16 поени, а Бем Адебајо постигна 13.
На другата страна најдобри беа Демар Дерозан со 22 поени (8-16 од поле, 3с, 4на) и Никола Вучевиќ со 16 поени (7-17 од поле), 14 скока и 5 асистенции.
Пеликанс ги совладаа Кингс со 105:98, но натпреварот не беше неизвесен како што покажува резултатот, на шест и пол минути до крајот беше Пеликанс водеа со 20 поени.
Најдобар кај Њу Орлеанс, кој настапи без повредениот Зион Вилијамсон, беше Брендон Инграм со 24 поени (10-20 од поле) и по 6 скока и асистенции, додека Јонас Валанчиунас запиша 19 поени (8-16 од поле), 12 скока, 3 асистенции и 2 скока.
Кај „кралевите“ се истакна Дирон Фокс со 35 поени (12-29 од поле), 7 скока и 5 асистенции, додека Домантас Сабонис имаше 23 поени (9-14 од поле), 14 скока и 7 асистенции.
Спорт
Првиот спринт во сезоната за Ферстапен, Хамилтон втор
Возачот на Ред Бул, Макс Ферстапен, триумфираше на првата спринт трка во сезоната, која се возеше како дел од Големата награда на Кина, петта трка од овогодинешниот шампионат во Формула 1.
Трикратниот светски шампион славеше со повеќе од 13 секунди предност пред Луис Хамилтон од Мерцедес, додека на третото скалило на подиумот се најде вториот возач на Ред Бул, Серхио Перез.
Од пол-позицијата стартуваше Ландо Норис во Мекларен, кој веднаш беше предизвикан од агресивниот Хамилтон, кој не му даде простор да остане во водство. И додека седумкратниот светски шампион го презеде водството, помладиот од двајцата Британци отиде широко и падна на седмото место, додека Хамилтон го следеа Алонсо и Ферстапен.
Бранителот на титулата најпрвин го стигна, а потоа во седмиот круг и го престигна Шпанецот, а два круга подоцна го презеде водството, откако Хамилтон практично не се бранеше, а потоа лесно се одлепи.
Возачот на Мерцедес исто така немаше конкуренција во борбата за второто место, но зад него се одвиваше голема борба за третата позиција. Алонсо најпрво беше предизвикан од Карлос Саинц Јуниор, но возачот на Астон Мартин се бранеше агресивно, што го искористи Перез и ги претекна двајцата.
Во еден момент дојде и до контакт меѓу двајцата Шпанци, поради што Алонсо мораше да се повлече од трката, а потоа дојде до борба меѓу Саинц и неговиот тимски колега Шарл Леклер.
На тој дуел имаше доста искри, а Леклер успеа да се снајде подобро и да стигне до четвртото место со две секунди зад Перез. Саинц беше три секунди поназад, пред Норис и Оскар Пјастри и Џорџ Расел во вториот Мерцедес, кој го освои последниот поен.
Во генералниот поредок сега води Ферстапен со 85 бодови, 15 повеќе од Перез, додека Леклер е трет со 64.