Спорт
Берге „го преспал“ дуелот Данска-Шведска кој одлучуваше за судбината на Норвешка
Норвешкиот ракометен селектор, Кристијан Берге ја шокираше ракометната јавност со индолентниот однос кон случувањата поврзани со репрезентацијата што ја предводи.
Додека цела ракометна Европа го следеше синоќешниот дуел меѓу Данска и Шведска кој одлуч…
Норвешкиот ракометен селектор, Кристијан Берге ја шокираше ракометната јавност со индолентниот однос кон случувањата поврзани со репрезентацијата што ја предводи.
Додека цела ракометна Европа го следеше синоќешниот дуел меѓу Данска и Шведска кој одлучуваше за патниците во полуфиналето на СП во Германија и Данска, Берге на новинарите им признал дека ги погледнал само последните моменти од мечот кој одлучуваше и дали Норвешка ќе се бори за медали.
„Да ви кажам искрено, не ги следев Данците и Швеѓаните. Ги погледнав последните 4 минути, но и тие ќе ги пропуштев доколку не ме заинтригира вревата во ходникот и во останатите соби. Не сум човек кој сака да троши енергија на работи на кои не може да влијае“ – рекол Берге.
Незаинтересирано звучи и за престојните предизвици на Норвешка во разврската на медалите во Германија.
„Ќе се обидеме во петок да ја совладаме Германија во Хамбург“ – кратко прокоментира Берге.
За потсетување, Норвешка пред мечот меѓу Данска и Шведска имаше осум бодиви, па селекцијата ќе одпаднеше од полуфинале доколку Швеѓаните со неколку голови ја совладаа Данска во Хернинг. Сепак до тоа не дојде, иако имаше шпекулации за „местенка“.
Данците одиграа за својата чест, славеа со 30:26 против Шведска и закажаа полуфинале против Франција. Во другото полуфинале што утре ќе се игра во Германија, домаќинот ќе се сретне со избраниците на Берге, Норвешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.