Спорт
Борусија го „згази“ Атле, Ди Марија го спасуваше ПСЖ, Звезда пак „потопена“ (видео)
Пари Сен-Жермен и Наполи го одиграа најинтересниот натпревар во третото коло во Лигата на шампионите, откако „светците“ мораа да се спасуваат со гол во 93. минута (Анхел ди Марија) за 2:2 реми. Ова дозволи Ливерпул да се искачи на првото место во група…
Пари Сен-Жермен и Наполи го одиграа најинтересниот натпревар во третото коло во Лигата на шампионите, откако „светците“ мораа да се спасуваат со гол во 93. минута (Анхел ди Марија) за 2:2 реми. Ова дозволи Ливерпул да се искачи на првото место во групата Ц, откако му даде четири „парчиња“ на српскиот шампион Црвена звезда.
Лоренцо Инсиње рано донесе водство за тимот на Карло Анчелоти во првото полувреме, а откако тимот на ѕвездите од Париз израмни преку автогол во 61. минута, белгиската гол-машина Дрис Мертенс во 77. минута донесе водство за „партенопеи“, пред Ди Марија во 93. минута да ги спаси „светците“.
Ливерпул, пак, му го нанесе вториот висок пораз на Црвена звезда (по тој од 6:1 од ПСЖ), откако Мо Салах постигна два гола, а по еден додоа Садио Мане и Роберто Фирмино за „црвените“ да стигнат до убедлива победа.
Ако оваа висока победа беше очекувана, тогаш ретко кој ќе се обложеше дека Борусија Дортмунд ќе му нанесе 4:0 пораз на актуелниот шампион од Лига Европа и од Суперкупот на УЕФА, Атлетико Мадрид. Гуериро двапати, Вицел и Санчо ги потопија „јорганџиите“ на преполниот „Сигнал Идуна Парк“, за Борусија да го преземе првото место на табелата пред Атле.
Дербито во групата Б помеѓу Барселона и Интер, овојпат без Лео Меси, заврши со 2:0 победа на Каталонците, по кои тие ја имаат предноста и првото место со максимален учинок. Рафиња и Жорди Алба беа стрелци за Барса.
ЛИГА НА ШАМПИОНИ, 3.КОЛО
ГРУПА А
Борусија Дортмунд – Атлетико Мадрид 4:0
Табела: 1.Борусија 9, 2.Атлетико М. 6, 3.Монако 1, 4.Бриж 1
ГРУПА Б
Барселона – Интер 2:0
Табела: 1.Барселона 9, 2.Интер 6, 3.Тотенхем 1, 4.ПСВ 1
ГРУПА Ц
Ливерпул – Црвена звезда 4:0
Пари Сен-Жермен – Наполи 2:2
Табела: 1.Ливерпул 6, 2.Наполи 5, 2.ПСЖ 4. 4.Црвена звезда 0
ГРУПА Д
Галатасарај – Шалке 0:0
Локомотив Москва – Порто 1:3
Табела: 1. Порто 7, 2.Шалке 5, 3.Галатасарај 4, 4.Локомотив М. 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.
Спорт
„Де Брујне подобар од Лампард, Сколс и Џерард“
Кевин Де Брујне, „мозокот“ на Манчестер Сити е најдобриот офанзивен играч за врска во Премиер лигата, смета поранешниот англиски репрезентативец и поранешен играч на Вест Хем, Челзи и Ливерпул, Џо Кол.
Според Кол, Де Брујне не е најдобар само во оваа ера, туку и воопшто, подобар дури и од големите англиски ѕвезди и легенди на Челзи, Манчестер Јунајтед и Ливерпул.
„Тој е главниот кум меѓу офанзивните играчи од средниот ред во светскиот фудбал. И понатаму мислам дека тој е најдобар во моментов. Кевин Де Брујне е над секој играч од средниот ред во историјата на Премиер лигата. Навистина го мислам тоа. Тука ги вклучувам Френк Лампард, Пол Сколс, Стивен Џерард и сите останати“, изјави Џо Кол и предизвика мал земјотрес меѓу навивачите на овие клубови.
Нема потреба да се споменува што значи Френк Лампард за навивачите на Челзи, колку е ценет Пол Сколс на „Олд Трафорд“ и каква икона е Стивен Џерард на „Енфилд“.
Тешко е да се каже дали Кевин Де Брујн е најдобриот на сите времиња, но неговите настапи во дресот на Манчестер Сити се потврда дека тој секако е еден од најголемите.