Спорт
Бостон лесно, Тандер без Вестбрук ги намачија шампионите (Видео)
Кошаркарите на Бостон Селтикс забележаа победа над Филаделфија 105:87, на отворањето на новата сезона во НБА лигата.
Во според квалитетот просечен натпревар, исполнет со многу грешки на двете страни, играчите на Бостон покажаа дека во овој момент се во…
Кошаркарите на Бостон Селтикс забележаа победа над Филаделфија 105:87, на отворањето на новата сезона во НБА лигата.
Во според квалитетот просечен натпревар, исполнет со многу грешки на двете страни, играчите на Бостон покажаа дека во овој момент се во подобра форма од противниците.
Селтикс до првата победа во сезоната ги предводеше Џејсон Тејтум со 19 поени, девет скока и три асистенции, Маркус Морис постигна 16 поени на кои придодаде 10 скока. Првата ѕвезда на Селтикс, Кајри Ирвинг ги промаши сите седум обиди од поле, а мечот го заврши со седум поени. По тешката повреда, поради која ја пропушти целата претходна сезона, Гордон Хејворд одигра 25 минути и постигна 10 поени.
Кај Филаделфија подобри од останатите беа Бен Симонс (19 поени, 15 скока, осум асистенции) и Џоел Ембид (23 поени).
Актуелниот првак Голден стејт Вориорс се намачи во дуелот со Оклахома сити Тандер, но сепак успеа да победи 108:100. Овој меч поради повреда го пропушти најдобриот играч на Тандер, Расел Вестбрук.
Без Вестбрук, Тандер, одиграа одлично во одбраната, а во третиот период „експлодира“ Пол Џорџ, во која постигна 15 поени.
Стеф Кари сезоната ја отвори со 32 поени, осум скока и девет асистенции, Кевин Дурент постигна 27 поени, а Клеј Томпсон 14 поени, меѓутоа погоди само пет од 20.обиди одо поле.
Пол Џорџ на спротивната страна уфрли 27 поени, а Денис Шрудер имаше 21 поени, девет скока и шест асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.