Спорт
Брејк на Вориорс во Хјустон (Видео)
Кошаркарите на Голден Стејт Вориорс со победа во Тејсас ја отворија финалната серија во Западната конференција, во НБА лигата. Актуелниот шампион, изминатата ноќ, славше кај Хјустон Рокитс 119:106.
Домаќинот Хјустон, екипа што го оствари најдобриот рез…
Кошаркарите на Голден Стејт Вориорс со победа во Тејсас ја отворија финалната серија во Западната конференција, во НБА лигата. Актуелниот шампион, изминатата ноќ, славше кај Хјустон Рокитс 119:106.
Домаќинот Хјустон, екипа што го оствари најдобриот резултат во регуларниот дел од сезоната, добро влезе во натпреварот и преку Харден стигна до предност 12:4. Меѓутоа Дурент беше тој што го држеше шампионот во мечот и на полувреме домаќинот имаше поен предност 30:29.
Вориорс прв пат на мечот имаа предност на стартот на втората четвртина (33:35), а потоа си обезбедија и малку покомотна разлија (42:49). До крајот на овој дел од играта Хјустон се врати со серијата 7:0, па на полувреме двата тима постигнаа по 56 коша.
Гостите подобро ја отворија третата четвртина, а во финишот на овој период, благодарение на играта во одбраната, актуелните шампиони дојдоа и до двоцифрена разлика (72:85).
На крајот се покажа дека финишот на третата четвртина бил решаваќки во целиот натпревар. Хјустон успеа во последната четвртина да се доближи на два поени негатива, на што Голден Стејт возврати со серија од девет поени, кога и дефинитивно го реши прашањето околу победникот.
Кевин Дурент го предводеше актуелниот првак со 37 поени, а веднаш до него беше Клеј Томпсон со 28 поени (6/15 за три). Покрај овие двајца Стеф кари забележа 18 поени, шест скока и осум асистенции, а Дрејмонд Грин завеши со пет поени и по девет скока и асистенции.
Кај Хјустон најистакнати беа Џејмс Харден (41 поен) и Крис Пол (23 поени, 11 скока).
Наредниот натпревар се игра в четвртотк од 3 часот, а домаќин повторно ќе биде Хјустон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.