Спорт
Буфон посочил три стадиони со посебна атмосфера
Џанлуиџи Буфон од оваа сезона голман на ПСЖ, за француските медиуми, открил на кои три стадиони му било најтешко да брани.
„Дефинитивно Енфилд во Ливерпул, тоа е еден од стадионите на кој што ми беше тешко на почетокот да се сконцентрирам на случувањат…
Џанлуиџи Буфон од оваа сезона голман на ПСЖ, за француските медиуми, открил на кои три стадиони му било најтешко да брани.
„Дефинитивно Енфилд во Ливерпул, тоа е еден од стадионите на кој што ми беше тешко на почетокот да се сконцентрирам на случувањата на теренот. Би го издовоил и стадионот на Ренџерс во Глазгов и на Фенербахче во Истанбул“, рекол Буфон.
Натпревари што нема да ги заборавам?
„Меѓу тие натпревари е моето деби за Парма против Милан, како и некои други мечеви што ги играв со Парма, како што се освојувањето на Купот на УЕФА, Купот на Италија и Суперкупот. Полу-финалето со Јувентус и победата над Реал во 2003 година“
Најдобриот натпревар?
„Секое финале е чиста емоција, но доколку морам да издвојам некои, секако дека тоа е финалето на Светското првенство. Мислам дека можевте да погодите дека ќе го кажам ова“, рекол Буфон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дуплантис (повторно) го собори сопствениот рекорд
Швеѓанецот Арманд Дуплантис продолжи да ги поместува границите во дисциплината скок со стап. Тој го собори сопствениот светски рекорд за еден сантиметар на митингот во Дијамантската лига во Ксианмен, Кина.
Новиот светски рекорд сега изнесува 6,24 метри, претходниот рекорд го постави лани во септември на митингот во Јуџин, САД.
„Прв пат се натпрварувам во Кина и одлично е вака да се започне сезоната на отворено“, изјави Дуплантис, кој натпреварувањето го започна на 5,62 метри.
Потоа скокна 5,82, па 6,00, а потоа го постави новиот светски рекорд.
„За да се постави светски рекорд, сè треба да биде на своето место. Сите работи се поклопија денеска. Дефинитивно по тој скок од 6.00 метри почувствував дека можам да направам нешто вакво. На овој начин се извадив за лошата сезона во сала, иако скокнав 6,10 во Глазгов. Ми требаше малку оган, сакав да си докажам дека можам подобро отколку тогаш“, рече Дуплантис.
DINGUUUUEEEE 🤯🤯
ARMAND “MONDO” DUPLANTIS 🇸🇪 AMÉLIORE SON RECORD DU MONDE DU SAUT À LA PERCHE EN PLEIN MOIS D’AVRIL !!! 😱
6.24M À SON PREMIER ESSAI #XiamenDL #Athlétisme
pic.twitter.com/Cl99Yr4ulr— MR.CARTER (@NelsonCarterJr) April 20, 2024
Спорт
Ѓоковиќ нема да игра на Мастерсот во Мадрид
Новак Ѓоковиќ очекувано нема да игра на Мастерсот во Мадрид.
Ѓоковиќ по трет пат во последните четири години нема да игра во Мадрид, а во последниот настап (2022) стигна до полуфиналето.
Исто така, светскиот број 1 го пропушти турнирот во Мадрид во 2014 и 2015 година.
Условите за игра во шпанската престолнина, земајќи ја предвид надморската височина, се различни од сите други турнири на земјена подлога, вклучувајќи го и Ролан Гарос, што е примарна цел на Ѓоковиќ во овој дел од сезоната.
Следен турнир на Новак најверојатно ќе биде Рим, на кој има освоено шест титули. Мастерсот во Рим е на програмата од 6 до 19 мај.
Спорт
(Видео) Хаос на белградските улици – Тепачка меѓу Делии и Гробари
Сериозни инциденти се се случија во Белград, пред 173-то вечно дерби, меѓу Црвена звезда и Партизан.
Низ улиците на Белград се случиле неколку тепачки, а според видеата на социјалните мрежи, најсериозната тепачка е снимена во центарот на Блеград.
На видеото на страницата „Мој Белград“ се гледаат како летаат камења, а хулиганите имаат палки. Полицијата интервенираше, а имаше и апсења.
Според натписите на сведоците на социјалните мрежи, се слушнале и истрели, а полицијата брзо интервенирала.
Профилот на Инстаграм „Србија во живо Белград“ објави видео на кое хулиганите трчаат со палки во рацете.
Српските медуми објавија дека полицијата уапсила 50 хулигани.