Спорт
Вардар го преживеа пеколот во Белорусија, Дисигнер донесе бод
Ракометарите на Вардар, во деветтото коло во А-групата, во Лигата на шампионите, прв пат одиграа нерешено. Во Белорусија, Вардар со неверојатен кам-бек, успеа да освои бод против Мешков Брест 31:31. Бод за Вардар спаси Германецот Кристијан Дисингер со …
Ракометарите на Вардар, во деветтото коло во А-групата, во Лигата на шампионите, прв пат одиграа нерешено. Во Белорусија, Вардар со неверојатен кам-бек, успеа да освои бод против Мешков Брест 31:31. Бод за Вардар спаси Германецот Кристијан Дисингер со голот постигнат на десет секунди до крајот на мечот.
Вардар не делуваше добро на мечот во Белорусија, одбраната не функционираше, но сепак успеаја црвено-црните да се вратат од бездната во последните 13 минути. Вардар, против добро познатиот ривал, беше конкурентен во првото полувреме, кога го имаше и единственото водство на натпреварот (11:12), но на паузата Мешков Брест замина со гол позитива (15:14).
Во вториот дел Вардар влезе во „црна дупка“, им дозволи на домаќините целосна доминација на теренот, што резултираше со највисоката предност на натпреварот 27:21 во 47.минута.
Во финишот Вардар ја покажа својата големина, се избори со противникот и со неколкуте дискутабилни одлуки на данските судии. Враќањето во мечот црвено-црните го најавија со серијата од три гола, во периодот од 49. до 52.минута, а го комплетираа преку Дисингер кој погоди во последните секунди.
Вардар го предводеа Криштопанс со осум, односно Дисингер и Дибиров со по пет гола.
Вардар по девет кола има 11 бода, додека Брест го освои петтиот бод во Лигата на шампионите.
Во наредната рунда, последна пред паузата, Вардар ќе го пречека Кјелце.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.