Спорт
Вардар ја одбрани титулата во Купот
Ракометарите на Вардар ја одбранија титулата во Купот на Македонија. Завршниот турнир се играше во Битола, а Вардар во финалето го победи 30-26 (14-12). Вардар во клупските витрини ја смести 13.титула во Купот. Црвено-црните сезонава ја одбранија двојн…
Ракометарите на Вардар ја одбранија титулата во Купот на Македонија. Завршниот турнир се играше во Битола, а Вардар во финалето го победи 30-26 (14-12). Вардар во клупските витрини ја смести 13.титула во Купот. Црвено-црните сезонава ја одбранија двојната круна, четврта во низа и воедно петти пат по ред го кренаа пехарот во Купот.
Поради дозволениот број на странски играчи, Вардар, на овој меч играше без Штербик, Чупиќ, Марсениќ и Војводиќ, меѓутоа и без нив без поголеми проблеми успеа да забележи победа.
Металург, предводен од Кумановски, Јагањац и голманот Томовски, беше достоен противник во финалето.
Вардар, во првото полувреме, најчесто ја бркаше предноста на ривалот, во финишот успеа со една серија од три гола да стигне до 11-9, а два гола предност имаше и по првиот дел (14-12).
Веднаш на стартот од вториот дел Вардар постигна два гола, ја крена предноста на четири гола (16-12), а потоа вешто ја користеше играта на противникот во нападот „7 на 6“.
Во последните 13 минути од натпреварот црвено-црните стигнаа до најфисоката предност (25-18). Металург, благодарение на голманот Томовски одговори со серија од три гола, но повеќе од тоа играчите на Јовиќ не можеа.
Дибиров со седум гола го предводеше Вардар, а ист број на голови на спротивната страна постигнаа Јагањац и Кузмановски, додека голманот Томовски имаше 13 интервенции.
Младиот голман на Металург, Томовски, беше прогласен за најдобар голман на завршниот турнир, а МВП признанието го понесе бекот на Вардар, Криштопанс.
foto: rkvardar.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.