Спорт
Вечерва битка за вториот финалист на Светското првенство
Вечерва во Москва ќе се одигра второто полу-финале на Светското првенство во Русија, во кое силите ќе ги одмерат Англија и Хрватска. Полу-финалето ќе биде дуел на две селекции кои пред почетокот на првенството беа апострофирани како фаворити од сенка, …
Вечерва во Москва ќе се одигра второто полу-финале на Светското првенство во Русија, во кое силите ќе ги одмерат Англија и Хрватска. Полу-финалето ќе биде дуел на две селекции кои пред почетокот на првенството беа апострофирани како фаворити од сенка, но малкумина веруваа дека можат да стигнат до самата завршница.
Несомнено мотиви, желби и квалитет за пласман во финалето има кај двете селекции, прашање е која од нив, в недела, ќе им се спротивстави на Французите во финалето. Разликата е само што оваа Англија е целосно реконструирана со многу млади играчи и ова веројатно не е нивниот последен збор на големите натпреварувања, додека за оваа генерација на хрватски фудбалери полу-финалето е последна шанса да стигнат до крајот.
Многумина од Хрватите имаат 30 или повеќе години, кои ќе направат се за да стават круна на блескавите клупски кариери.
Англија, последен пат за влез во финалето играла во 1990 година, а Хрватите осум години подоцна.
Дуелот во Москва ќе биде осмо соочување на двете репрезентации, Англија досега има четири, а Хрватска две победи.
Англија, односно селекторот Герет Саутгејт, нема да тактизира околу составот, ќе стартува со оние 11 фудбалери што започнаа четири од петте досегашни натпревари на првенството и нема да отстапи од формацијата 3-5-2.
Пикфорд ќе биде на голот, тројката во одбраната ќе ја состават Вокер, Стонс и Мегваер, во средниот ред ќе делуваат Хендерсон, Лингард и Деле Али, по бочните позиции Трипие десно и Јанг леви и во нападот ќе бидат Стерлинг и првиот стрелец на првенството Кејн.
За разлика од Саутгејт, хрватскиот селектор Златко Далиќ не ги открива картите, но можно е на својот колега да му сервира некое изненадување.
Многу веројатно е Перишиќ кој не е во форма да остане на клупата за резерви, а во тимот да влезе Брозовиќ, со што уште посилен би бил хрватскиот блок во редот за врска, ако се има во предвид дека место во тимот ќе добие и Бадељ, кој треба да биде коректор на средниот ред.
Исто така неизвесен е настапот на Врсаљко, иако десниот бек тврди дека ќе игра и со една нога ако биде потребно.
Во случај Врсаљко да не игра, селекторот Далиќ има неколку решнија како да ја формира одбрамбената четворка.
Првото е Тин Једвај да биде десен бек, то тој случај останатите тројца во одбраната остануваат исти: Ловрен, Вида и Стриниќ.
Меѓутоа можно е Вида да игра на местото на Врсаљко, во тој случај централни играчи во одбраната би биле Ловрен и искусниот Чорлука.
Јасно е дека о ваквата псотавка место ќе нема за Крамариќ, бидејќи местото во шпицот на нападот е резервирано за Манџукиќ.
Значи составот на Хрватска би требало да изгледа вака: Субашиќ-Врсаљко (Вида, Једвај), Ловрен, Вида (Чорлука), Стриниќ-Бадељ-Брозовиќ, Ракитиќ, Модриќ, Ребиќ-Манџукиќ.
Натпреварот во Москва ќе започне во 20 часот, а ќе го суди еден од најдобрите европски судии Чунеј Чакир од Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.