Спорт
Визардс се вратија од -22, Грин со сирената му пресуди на Орландо (Видео)
Вашингтон Визардс, Торонто Репторс, Бруклин Нетс и Портланд Трејлблејзерс, изминатата ноќ забележаа победи во НБА лигата.
Визардс со голем пресврт забележаа победа над ЛА Клиперс 125:118. Екипата од престолнината на САД, одигра катастрофално во првиот …
Вашингтон Визардс, Торонто Репторс, Бруклин Нетс и Портланд Трејлблејзерс, изминатата ноќ забележаа победи во НБА лигата.
Визардс со голем пресврт забележаа победа над ЛА Клиперс 125:118. Екипата од престолнината на САД, одигра катастрофално во првиот дел и во еден момент му дозволи на противникот предност од 22 поени (18:40).
Најефикасен кај Визардс беше Џон Вол со 30 поени и осум асистенции, 27 поени постигна Бредли Бил, а Џеф Грин уфрли 20 поени. Тобајас Херис се истакна кај Клиперс со 29 поени.
Портланд Трејлблејзерс славеа во кулниот „Медисон Сквер Гарден“ против Њујорк Никс 118:114. Репрезентативецот на Босна и Херцеговина, Јусуф Нуркиќ, петти натпревар по ред бележи дабл-дабл за Портланд. Против Никс тој имаше учинок од 13 поени и 11 скока.
Бековите, Си-Џеј Мекалум (31 поен) и Демијан Лилард (29 поени) го предводеа Протланд до победата. Најефикасен на натпреварот со 32 поени беше бекот на Никс, Тим Хардавеј јуниор.
Одличен меч на Флорида одиграа Орландо Меџик и Торонто Репторс. Гостите од Канада славеа 91:89, а решавачките поени ги постигна Дени Грин во последната секунда. Грин мечот го заврши со 13 поени, пет повеќе постигна Каваи Ленард. Најефикасен на мечот беше играчот на Орландо Еван Фурние со 28 поени, а Црногорецот Никола Вучевиќ забележа 14 поени и 18 скока.
Победа на Флорида, но во Мајми забележаа Бруклин Нетс 92:104. Играчите на Бруклин во последниот период го решија прашањето околу победникот. Решавачката четвртина ја добија со 30:15.
Дианџело Расел со 20 поени го предводеше Бруклин, додека поен повеќе за Мајами постигна Хасан Вајтсајд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.