Спорт
Вориорс ги декласираа Портланд, Драмонд ги приземји „ракетите“ (Видео)
По кратката пауза поради Денот на благодарноста во САД продолжија возбудувањата во НБА лигата. Шампионите Голден стејт Вориорс ја прекинаа серијата од четири порази, најдолга во ерата на тренерот Стив Кер. Вориорс славеа над Портлан Трејлблејзерс 125:9…
По кратката пауза поради Денот на благодарноста во САД продолжија возбудувањата во НБА лигата. Шампионите Голден стејт Вориорс ја прекинаа серијата од четири порази, најдолга во ерата на тренерот Стив Кер. Вориорс славеа над Портлан Трејлблејзерс 125:97. Во највозбудливиот меч Детроит Пистон ги совладаа Хјустон Рокитс 116:111, по едно одиграно продолжение.
Вориорс и Трејблејзерс одиграа израмнето само во првата четвртина, а на полувреме домаќините имаа предност од 15 поени (59:44). Во третата четвртина разликата беше и преку 20 поени, по што Портланд целосн се предаде.
Блескаа Кевин Дурент и Клеј Томпсон со 32, односно 31 поен. Демијан Лилард со 23 и Јусуф Нурки со 22 поени и осум скока беа светлите точки кај Трејлблејзерс.
Ерик Гордон погоди за Хјустон во последните моменти за 98:98 и избори продолженија на мечот во Детроит. Продолжението сепак им припадна на домаќините 116:111. Тројца играчи на Пистонс постигнаа најмалку 20 поени и беа најзаслужни за триумфот, Блејк Грифин (28 поени, девет скока), Реџи Џексон (22 поени), а монструозна партија пружи Андре Драмонд со 23 поени и 20 скока.
Лејкерси предводени од Леброн Џејмс забележаа уште една победа. Лејкерс славеа над Јута Џез 90:83, а Џејмс имаше учинок од 22 поени, 10 скока и седум асистенции.
Резултати:
Њујорк Никс-Њу Орлеанс Пеликанс 114.109
Филаделфија ’76-Кливленд Кавалирс 112:121
Торонто Репторс-Вашингтон Визардс 125:107
Чикаго Булс-Мајами Хит 96:103
Оклахома Тандер-Шарлот Хорнетс 109:104
Милвоки Бакс-Феникс Санс 114.116
Денвер Нагетс-Орландо Меџик 112:87
Атланта Хоукс-Бостон Слетикс 96:114
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.