Спорт
Вредни награди за најдобрите во велосипедската трка Halk Velo Green организирана од Халкбанк
Уште само пет дена остануваат до затворање на пријавувањето за учество во годинешнава хронометар велосипедска трка Halk Velo Green, која, во организација на Халкбанк АД Скопје, ќе се одржи на 8 септември во Маврово. Сите вљубеници во велосипедизмот кои ќе учествуваат во трката ќе имаат можност да се рекреираат, да се дружат и забавуваат. Но и да се обидат да освојат некоја од вредните награди кои ги обезбеди Халкбанк и поддржувачите на настанот.
И во годинешнава Halk Velo Green ќе се вози рута во должина од 22 км во правец Бистра – Леуново – Бистра, а учесниците и овој пат ќе се натпреваруваат во категориите ПРО и ХОБИ, и тоа во машка и во женска конкуренција, со тоа што годинава за првпат се воведува и категорија ПРО Кидс за деца и младинци.
Секој учесник во трката ќе добие стартен пакет со чип, освежување, онлајн диплома, бесплатни фотографии од трката (Pic2Go), подарок од пријатели на трката, осигурување од несреќен случај за времетраење на трката, како и медал за завршена трка.
За трите најдобри велосипедисти во секоја од категориите Халкбанк обезбеди вредни парични награди. Во категоријата ПРО и во машка и во женска конкуренција, најдобрите тројца ќе добијат парична награда во износ од 30.000 за прво место , односно 20.000 и 10.000 денари за второ и трето место. Во категоријата ХОБИ наградите се во износ од 12.000, 6.000 и 3.000 денари за прво, второ и трето место соодветно. Награди се предвидени и за најдобрите во двете детски категории и се во износ од 3.000, односно 2.000 и 1.000 денари и истите на дечињата кои ќе остварат најдобри резултати ќе им бидат уплатени на детска штедна книшка од Халкбанк.
Дополнително, вредни награди обезбедија и поддржувачите на трката. Осигурителната компанија Халк осигурување за првите тројца најбрзи велосипедисти во секоја од категориите обезбеди осигурителни пакети.
За најдобрите награди во вид на членарини и ваучери обезбедија и фитнес и спа центарот Parkland hospitality, а „енергетски пакети“ ќе бидат доделени од Polleosport, глобалната мултибренд продавница за исхрана и спортска и фитнес-облека.
Дополнитело признанија и награди од спонзорите ќе добијат и учесниците во трите возрасни катероии 40-49, 50-59, 60+ години.
Затоа, искористете ги овие пет дена, пријавете се на http://www.halkvelogreen.mk/ или на www.smartrace.club и дојдете на 8 септември во Маврово да се рекреирате, забавувате, а можеби и да освоите некоја од вредните награди.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.