Спорт
Гарбахоса: Мора да се бориме против Евролигата
Хорхе Гарбахоса, преседател на Кошаркарската федерација на Шпанија, ја обвини Евролигата дека со распоредот на натпреварите и штети на кошарката. Некогашниот шпански репрезентативец во интервју за „АБЦ“, дека зголемувањето на бројот на натпревари во Ев…
Хорхе Гарбахоса, преседател на Кошаркарската федерација на Шпанија, ја обвини Евролигата дека со распоредот на натпреварите и штети на кошарката. Некогашниот шпански репрезентативец во интервју за „АБЦ“, дека зголемувањето на бројот на натпревари во Евролигата е проблем генерално за кошаркарските репрезентации, меѓу кои е и шпанската.
„Ставот на Евролигата кон кошарката генерално, а посебно кон шпанската кошарка, му нанесува голема штета на нашиот спорт. Проблемот само се продлабочува и јас ги молам шпанските клубови да се спротивставата на лицето чии ставови се радикално против нашата кошарка. Ова не е опасно само за шпанската „АЦБ“ лигата туку е опасно за целата кошаркарска пирамида“, рекол Гарбахоса.
Прославениот крилен-центар истакнал дека зголемувањето на бројот на натпревари од сезона во сезона не е добро решение за здравјето на кошаркарите и дека сите треба да се борат против ова натпреварување.
„Доколку Евролигата се грижи за здравјето на играчите, зошто тогаш вклучува уште две нови екипи и со тоа добива уште четири натпревари плус во сезоната? Ова не е проблем за играчите на Компостела или Бургос, туку е проблем за играчите што настапуваат во лигата на господинот Бартомеу. Не може тој да ги лаже луѓето. Тоа е прашање што влијае на многу тимови и федерации. Не може да постои натпреварување што и нанесува толку голема штета на кошарката“, дополнил првиот човек на шпанската кошарка.
За потсетување, проблемот во европската кошарка трае веќе неколку години, бидејќи ФИБА Европа и УЛЕБ никако не можат да се договорат за најважните работи, поради што кошаркарите што играат во евролигашките екипи немаат можност да играат за своите нациоонални тимови во квалификациите за Светското првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.