Спорт
Гвардиола го брани менторот: Сите шпионираат! Клоп: Биелса не е во право!
Менаџерот на англискиот шампион, Пеп Гвардиола смета дека тренерот на Лидс јунајтед и негов ментор, Марсело Биелса само покажал дека се подготвува за меч како никој друг тренер, бранејќи го во скандалот со шпиунирање во англискиот фудбал.
Пред петочнат…
Менаџерот на англискиот шампион, Пеп Гвардиола, смета дека тренерот на Лидс јунајтед и негов ментор, Марсело Биелса, само покажал дека се подготвува за меч како никој друг тренер, бранејќи го во скандалот со шпионирање во англискиот фудбал.
Пред петочната 2:0 победа над Дерби каунти во англиската втора лига, Биелса призна дека го пратил човекот со двоглед кој беше уапсен како го набљудува тренингот на ривалите. Според многумина, ова е прекршување на правилата и фер-плејот, а Биелса е под истрага на Фудбалската асоцијација. Гвардиола, кој честопати го посочува 63-годишниот Биелса како ментор, смета дека во другите земји вакви работи се „вообичаени“.
„Почитта останува иста. Тој беше јасен во својот став. Ако му се восхитував претходно, зошто сега би го сменил тоа. Но, го сфаќам и Френк Лампард, тренерот на Дерби. Ниту еден друг тренер не собира толку информации за секој меч, за секој фудбалер како Биелса. Тој е уникатен. Дали сум го правел и јас тоа? Во другите земји тоа е нормална работа. Кога бев тренер на Баерн Минхен имаше луѓе на малиот рид со камери кои гледаа што правиме. Тоа е дел од културата, но во Англија е поинаку“, вели Гвардиола.
Со него не се согласува Германецот Јирген Клоп, тренерот на Ливерпул, клуб кој со посебни огради го има заградено тренинг-центарот во Мелвуд далеку од очите на јавноста.
„Што мислите зошто има ограда? Не се работи за сите сесии, но пред мечот, кога се работи за тактиката, не треба да го гледа никој. Можам да сфатам зошто ги сака информациите, сите ги сакаме, но треба да прифатиме дека нема да ги добиеме. Но, тоа е мое мислење. Неговата презентација беше импресивна и нема сомнеж дека е фантастичен тренер кој добро се подготвува, но не треба да е така“, објаснува Клоп.
„Лудакот“ Биелса призна: Ги шпиунирав сите тимови во Чемпионшип! (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.