Спорт
Геј ги „згасна сонцата“, Осман и Жижиќ за триумф на Кливленд (Видео)
Седум натпревари се одиграа изминатата ноќ на терените во НБА лигата. Руди Геј ја реши драмата во Сан Антонио, додека Њу Орлеанс Пеликанс славеа во Хјустон.
Њу Орлеанс Пеликанс беа Ентони Дејвис, Џулиус Рендл и Никола Миротиќ забележаа победа во Хјустон 121:116. Белскаше Џалил Окафор, кој забележа 27 поени и 12 скока. Третиот пик на драфтот во 2015 година извонредно игра откако првата ѕвезда во тимот Ентони Дејвис паузира поради повреда.
На спротивната страна Џејмс Харден заврши со 37 поени, 11 скока и 6 асистенции. „Брадата“ и на 24.натпревар во низа постигна најмалку 35 поени.
Сан Антонио Спарс во трилер завршница успеаја да го скршат отпорот на Финикс Санс. Спарс славеа 126:124 со поените на Руди Геј. Бекот на Спарс погоди со звукот на сирената. Геј мечот го заврши со 16 поени. Сан Антонио го предводеше Ламаркус Олдриџ со 29 поени и 14 скока. Кај Финикс се истакна Девин Букер со 38 поени.
Оклахома Тандер на крилјата на Пол Џорџ и Расел Вестбрук победија во Орландо 126:117. Вестбрук забележа уште еден трипл-дабл (23 поени, 14 скока, 14 асистенции), а Џорџ со 37 поени беше најефикасен на теренот.
Орландо вообичаено го предводеше Црногорецот Никола Вучевиќ со 27 поени и 11 скока.
Нова победа забележа и водечкиот тим во Источната конференција Милвоки Бакс. Во Детроит, Милвоки славеа со 115:105. Јанис Адетокумбо мечот го заврши со 21 поен и 11 асистенции.
Турско-хрватскиот двоец, Чеди Осман и Анте Жижиќ се погрижија Кливленд Кавалирс да ги победата Вашингтон Визардс 116:113. Осман постигна 26 поени, а Жижиќ забележа 12 поени и исто толку скокови.
Бруклин Нетс ги победија Чикаго Булс 122:117, а Филалделфија во Лос Анџелес славеа над Лејкерс 121:105.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.