Спорт
Господски гест на Манчестер јунајтед, Венгер пречекан со подарок
Сер Алекс Фергусон, Жозе Мурињо и Манчестер јунајтед господски го пречкеаа Арсен Венгер, кој во неделата, последен пат го водеше Арсенал на „Олд Трафорд“, против Манчестер јунајтед.
Пред почетокот на натпреварот, Мурињо го пречека Венгер на теренот на …
Сер Алекс Фергусон, Жозе Мурињо и Манчестер јунајтед господски го пречкеаа Арсен Венгер, кој во неделата последен пат го водеше Арсенал на „Олд Трафорд“ против Манчестер јунајтед.
Пред почетокот на натпреварот Мурињо го пречека Венгер на теренот на „Олд Трафорд“, се ракуваше со него, а потоа го однесе до центарот на игралиштето, каде што ги чекаше Фергусон.
Шкотланѓанецот на Венгер му врачи подарок, што наиде на одобрување кај навивачите, кои со овации ја поздравија големата кариера на Французинот.
Во име на Манчестер јунајтед, Фергусон и Мурињо му врачија пехар на Венгер, на кој се изгравирани зборовите: „На Арсен Венгер, во името на Манчестер јунајтед, за неговата служба и успесите во Арсенал од 1996 до 2018 година, пехарот му го предале сер Алекс Фергусон и Жозе Муруњо.“
This is what Sir Alex Ferguson presented Arsene Wenger before today’s game. pic.twitter.com/Txooua3D8R
— Simon Stone (@sistoney67) April 29, 2018
„Фантастично е ова што го направи нашиот клуб. Мислев дека е многу подобро подарокот да му го предаде Фергусон. Јас како тренер на Јунајтед против господинот Венгер играв само неколкупати, а вистинското ривалство е она помеѓу Фергусон и Венгер“, рекол по мечот Мурињо.
Арсен Венгер, изненаден од гестот на најголемиот ривал, емотивно и малку шеговито ја коментирал целата церемонија.
„Навистина е убаво ова што е случи. Навистина убав гест од Јунајтед, уживав во ова. Толку пати бев овде и никогаш не сум бил вака пречекан, па дури и подарок добив. Но, немојте да се грижите, наредната сезона некој друг ќе седне на моето место и ќе биде непријателски пречекан“, рекол Венгер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мега-трансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.