Спорт
„Граѓаните“ одбраната на круната ја почнаа шампионски (видео)
Манчестер сити ја започна одбраната на трофејот од Премиер лигата со победа на гости кај обновениот Арсенал од 2:0, покажувајќи уште на стартот дека конкуренцијата добро ќе треба да се испоти да ги симне момците на Пеп Гвардиола од врвот.
Сити дојдоа в…
Манчестер сити ја започна одбраната на трофејот од Премиер лигата со победа на гости кај обновениот Арсенал од 2:0, покажувајќи уште на стартот дека конкуренцијата добро ќе треба да се испоти да ги симне момците на Пеп Гвардиола од врвот.
Сити дојдоа во водство во 14. минута преку оспоруваниот Рахим Стерлинг, кој се прошета пред шестнаесетникот на „топчиите“ за лесно да го совлада Чех, кој очигледно немаше најдобар преглед на ситуацијата.
Победата беше осигурана во 64. минута од мечот, кога Бернардо Силва доби убава топка од Бенжамин Менди за со силен удар да го победи немоќниот Чех.
Арсенал имаа неколку добри шанси, преку Ектор Белјерин во првото полувреме и двапати преку Александар Лаказет, а во 68. минута бараа пенал откако Мустафи беше соборен во шестнаесетникот. Сити, сепак, заслужено стигна до победата, бидејќи речиси секоја ситуација пред голот на Арсенал беше опасна.
За Арсенал ова беше прв меч во Премиер лигата со новиот тренер, Унаи Емери, кој пред некој ден призна дека „топчиите“ не можат да се надеваат на титула оваа година, туку дека само градат тим за иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.