Спорт
Детали од УЕФА: Скендербег го наместил поразот од Динамо Загреб
Истрагата на УЕФА против албанскиот клуб Скендербег продолжува и сѐ поизвесно е дека клубот ќе се соочи со 10-годишна суспензија, откако наместиле дури 53 натпревари од ноември 2010 до април 2016 година.
Фокусот е кон четири спорни дуели, од кои еден е…
Истрагата на УЕФА против албанскиот клуб Скендербег продолжува и сѐ поизвесно е дека клубот ќе се соочи со 10-годишна суспензија, откако наместиле дури 53 натпревари од ноември 2010 до април 2016 година.
Фокусот е кон четири спорни дуели, од кои еден е натпреварот против Динамо Загреб, кој на „Максимир“ заврши со 4:1 за хрватскиот шампион во 2015 година. Динамо во првиот меч славеше со 2:1, а во реваншот водеше со 3:1 и имаше играч помалку, кога почнале да се вложуваат големи пари дека Динамо до крајот на мечот ќе даде уште еден гол.
Албанските медиуми дојдоа до официјалните документи на БФДС (системот за детектирање на измами), во кој се чита дека фудбалерите на Скендербег во основа се кладеле сами против себе.
Динамо поведе во 9. минута преку Судани, а само минута подоцна, гостите израмнуваат преку Есквердиња. Во 15. минута Динамо ја враќа предноста преку Армин Хоџиќ, а во 48. минута дефанзивецот Гонцало добива црвен картон. Седум минути подоцна, Таравел постигнува гол за 3:1 по што почнува „лудилото“ на обложувалниците за уште еден гол на загрепчани. Тоа на крајот се случува кога Судани погодува во 80. минута.
Според УЕФА, виновни за тој гол се фудбалерот Ренато Арапи и голманот Оргес Шеши – првиот слабо реагирал, а голманот решил да остане на гол-линијата.
„Играчите на Скендербег доброволно престанаа да играат за да го искористат натпреварот за да се обложуваат. Ова е претходно организирана шема, и очигледно тие се единствениот учесник во оваа манипулација. Нема никаква спорстка логика да се ставаат толку пари дека Скендербег ќе прими уште еден гол со играч повеќе“, се вели во извештајот на УЕФА.
Динамо благодарение на пласманот во ЛШ заработи 15 милиони евра, а Скендербег продолжи во групната фаза на ЛЕ, каде што ги загуби сите натпревари, освен домашниот против Спортинг Лисабон, кој го добија со 3:0.
УЕФА сака 10 години суспензија за Скендербег за местење мечеви
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.