Спорт
Драма во Барселона, Србија преку Шпанија до ново европско злато
Ватерполистите на Србија, со драматичната победа над Шпанија, ја одбранија европската титула. На Европското првенство во Барселона, Србија ја победи домашната селекција по изведувањето на пенали. Натпреварот во регуларниот дел заврши 7:7 (0:1, 3:3, 3:2…
Ватерполистите на Србија, со драматичната победа над Шпанија, ја одбранија европската титула. На Европското првенство во Барселона, Србија ја победи домашната селекција по изведувањето на пенали. Натпреварот во регуларниот дел заврши 7:7 (0:1, 3:3, 3:2, 1:1).
Србите и Шпанците одиграа исклучително неизвесен и квалитетен натпревар, в кој доминираа одбраните и двајцата голмани Митровиќ и Пинедо.
Шпанците, во првите две четвртини, ја искористија нервозната игра на противникот и константно ја одржуваа предноста од еден гол. Србија успеа да израмни дури во финишот на вториот период, но во последната секунда Гуељ се погрижи Шпанија да има гол предност на полувреме 3:4.
Србите полека влегоа во вистинскиот ритам во третиот период, со два гола прв пат стигаа до предност 5:4, а потоа и до 6:5, меѓутоа Муриа во последните секунди од четвртината не дозволи противникот да влезе со предност во решавачкиот период 6:6.
Во последната четвртина двете репрезентации постигнаа по еден гол Јакшиќ погоди за Србија во 27.минута, а веќе во наредната израмни Гуељ со својот втор гол на мечот.
Во последните четири минути никој не успеа да постигне гол, па победникот го решаваа ударите од пет метри.
Србите шутираа први, сигурен реализаитор беше Филиповиќ, а до крајот сите негови соиграчи го совладаа шпанскиот голман (Прлаиновиќ, Алексиќ, Мандиќ и Ќук). Кај Шпанија сигурни беа Пероне, Мунарис и Ларумбе, а својот удар од пет метри не го реализираше Фернадес во третата серија.
Србија ја продолжи доминацијата на Европските првенства, немаат пораз од 2012 година, а во Барселона го освоија четвртиот златен медал во низа, петти на континенталните првенства како самостојна држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024