Спорт
Драма во Мостар – Зрињски се врати од 0:3 во 88 минута! (видео)
Плеј-офот во Премиерлигата на Босна и Херцеговина донесе еден навистина неверојатен меч, откако во Мостар, Железничар водеше со 3:0 до 88. минута, но дозволи домаќинот Зрињски на крајот да израмни на 3:3.
Во меч кој може да го реши шампионот на БиХ, ти…
Плеј-офот во Премиерлигата на Босна и Херцеговина донесе еден навистина неверојатен меч, откако во Мостар, Железничар водеше со 3:0 до 88. минута, но дозволи домаќинот Зрињски на крајот да израмни на 3:3.
Во меч кој може да го реши шампионот на БиХ, тимот на Адмир Аџем дојде во водство по само осум минути игра, кога Баришиќ погодува за 1:0 водство. Во 27. минута веќе беше 2:0, откако по асистенцијата на Убипарипа, Стојан Врањеш со пета погоди за 0:2.
Условите за игра беа лоши во второто полувреме по силниот дожд, по што во 86. минута беше досуден пенал за гостите, на што луто реагираа домашните фанови, но Закариќ во втор обид го совлада голманот на Зрињски.
По ова следуваше неверојатниот пресврт. Ачимовиќ ја врати надежта на Зрињски, пред Богичевиќ да си постигне авто-гол за шок за тимот од Сараево.
И покрај ваквата завршница, тренерот на Зрињски, легендата на БиХ фудбалот Блаж Слишковиќ влезе во неверојатен напад на официјалните лица.
„Проработе инатот поради некои одлуки на ’свемирците’. Повторно ќе изедам нешто што не треба. Да останеше 0:2, најверојатно така ќе завршеше, но кога дадоа гол од непостоечки пенал, проработе инатот. Дали кога ќе одам на ’Грбавица’ ќе имам 50-50 судење? Ма нека ме суспендираат на 100 години, јас за нив сум Бог за фудбалот“, изјави Слишковиќ.
Фото: Klix.ba
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…