Спорт
Драмa во Франција! Рабио се откажа од дресот, Дешам вели дека направил клучна грешка
Фудбалерот на Пари Сен-Жермен, Адриен Рабио направи „огромна грешка“ што се повлекол од списокот на резервни играчи за Мундијалот во Русија, бидејќи тоа може да значи дека нема да биде повикуван повторно, вели селекторот Дидие Дешам.
Играчот од среднио…
Фудбалерот на Пари Сен-Жермен, Адриен Рабио направи „огромна грешка“ што се повлекол од списокот на резервни играчи за Мундијалот во Русија, бидејќи тоа може да значи дека нема да биде повикуван повторно, вели селекторот Дидие Дешам.
Играчот од средниот ред на ПСЖ, кој има шест настапи за репрезентацијата, не влезе во тимот од 23 играчи, откако на негово место беше повикан Стивен Н’Зонзи од Севилја. 23-годишниот Рабио пратил писмо до Фудбалската федерација на Франција (ФФФ), барајќи неговото име да биде симнато од списокот.
Дешам открива што е позадината.
„Не се работеше за писмо, туку за меил кој стигна во понеделникот попладне. Мене ми кажаа пто е содржината, и дека Адриен го потпишал. Му се јавив да ми потврди, но тој не ми одговори. Добив потврда од менаџерот, и потоа го предупредив и ПСЖ, бидејќи тој е нивни фудбалер. Јас сум изненаден и го сфаќам разочарувањето, но зборуваме за млад фудбалер кој сам се исклучува од тимот. Ова е огромна грешка. Тој одбива да биде резервист, да го следи програмот. Но, тоа е негова одлука“, вели Дешам.
Франција е во групата на репрезентации од кои многу се очекува на Светското првенство, но прво мора да се помине незгодната група со Австралија, Перу и Данска. Од списокот на Дешам за Русија отсуствуваа и поголеми имиња од Рабио, како Антони Марсијал од Манчестер јунајтед и Александер Лаказет од Арсенал.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.