Спорт
Еврогол за Данска, ВАР-пенал за Австралија (видео)
Данска е на чекор до пласман во осминафиналето на Светското првенство, додека Австралија ги задржа шансите откако двете репрезентации одиграа 1:1 во Самара во првиот меч од второто коло во групата Ц.
Данците рано дојдоа во водство, откако по одличната …
Данска е на чекор до пласман во осминафиналето на Светското првенство, додека Австралија ги задржа шансите откако двете репрезентации одиграа 1:1 во Самара во првиот меч од второто коло во групата Ц.
Данците рано дојдоа во водство, откако по одличната акција, првата ѕвезда на нивната репрезентација, фудбалерот на Тотенхем, Кристијан Ериксен го совлада голманот Рајан. Австралијците немаа многу шанси на почетокот на мечот, а Јоргенсен во 24. минута уште еднаш се закани по противничкиот гол.
Австралија стигна до израмнување во 37. минута, кога топката удри во рацете на Поулсен, а судијата по консултацијата со ВАР реши да му додели жолт картон и досуди пенал. Интересно ова е вторпат Поулсен да направи пенал на Мундијалот откако истото го направи и против Перу. За Австралија од белата точка беше прецизен Миле Јединак.
Австралија посериозно се закани на почетокот на второто полувреме преку Рогич и Муј, но не беше многу опасно за Каспер Шмајхел на голот. „Сокерус“ имаа и поголем дел од поседот на топката, но на крајот мораа да се задоволат со реми по тесниот пораз од Франција (1:2). Во последното коло, Данците играат со Франција, додека Австралија ќе има дуел со Перу.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.