Спорт
Евролига: Рекордерот Спанулис ја предводи втората петорка (Видео)
Новинарите и навивачите ја избраа втората петорка во Евролигата, за сезоната 2017/2018. Место во вториот тим има за двајца играчи на Жалгирс и по еден на Химки, ЦСКА Москва и Олимпијакос.
Евролигата вчера ги објави имињата на играчите кои влегоа во прв…
Новинарите и навивачите ја избраа втората петорка во Евролигата, за сезоната 2017/2018. Место во вториот тим има за двајца играчи на Жалгирс и по еден на Химки, ЦСКА Москва и Олимпијакос.
Евролигата вчера ги објави имињата на играчите кои влегоа во првата петорка, а денес ги објави и имињата на оние што ја формираа втората петорка.
Во неа се играчите на најпријатното изненадување оваа сеозна, Жалгирис, Кевин Пангос и Паулиус Јанкунас, односни Серхио Чачо Родригез (ЦСКА0, Алексеј Швед (Химки) и Василис Спанулис (Олимпијакос).
Пангос и Јанкунас се први играчи на Жалгирис уште од 2006 година што се избрани во евдан од двете петорки на сезоната. Исто така овие двајца заедно со Швед прв пат влегоа во една од двете најдобри петорки. Бекот на ЦСКА, Чачо Родригез втор пат во кариерата е меѓу избраните, додека Спанулис со годинешниот избор стана апсолутен рекордер.
Популарниот Били, осми пат во кариерата е член на една од двете петорки и на вечната листа го мина Хуан Карлос Наваро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.