Спорт
Ексгаздата на Милан не смее да излезе од Кина!
Поранешниот сопственик на Милан, Јонгхонг Ли останал без пасош од страна на кинеските власти, кои решиле да не му дозволат да излезе од земјата откако бизнисменот влегол во многу долгови.
Ли го купи Милан од експремиерот на Италија, Силвио Берлускони в…
Поранешниот сопственик на Милан, Јонгхонг Ли останал без пасош од страна на кинеските власти, кои решиле да не му дозволат да излезе од земјата откако бизнисменот влегол во многу долгови.
Ли го купи Милан од експремиерот на Италија, Силвио Берлускони во април 2017 година, но веднаш имаше многу сомнежи околу позадината на потегот и изворот на парите на Кинезот. Неговиот конзорциум зеде кредит од „Елиот менаџмент“ фондацијата од САД за да го купи Милан, и откако не плати одреден број на рати, Американците ја презедоа контролата на клубот.
Сега, дел од кинеските медиуми тврдат дека судот во провинцијата Хубеи издал забрана за Ли да ја напушти Кина поради долговите кои ги направил. Ли, кој исто така живееше во Хонгконг, останал без пасош, а властите го „чешлаат“ неговиот бизнис.
Братот на Берлускони, Паоло вели дека е „шокиран“ од неспособноста на Ли, кој наводно загубил повеќе од 500 милиони долари од зделката со Милан.
„Бев шокиран. Тој се однесуваше добро и ни плати сѐ што должеше. Силвио беше фер и го предаде клубот без да ја добие целосната сума, и имаше само 200 милиони на сметка. Но, кинеската власт го смени однесувањето, Ли остана сам и се најде во големи проблеми. Сега, верувам дека следуваат посреќни денови за Милан“, вели Паоло Берлускони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.