Спорт
Експретседателот на Барса, Росел обвинет за перење пари
Поранешниот претседател на Барселона, Сандро Росел ќе оди на судење за перење пари, потврди шпанската судијка, Кармен Ламела.
Росел е обвинет заедно со сопругата Марта Пинеда, адвокатот од Андора, Жоан Бесоли и уште тројца за перење пари и врски со орг…
Поранешниот претседател на Барселона, Сандро Росел ќе оди на судење за перење пари, потврди шпанската судијка, Кармен Ламела.
Росел е обвинет заедно со сопругата Марта Пинеда, адвокатот од Андора, Жоан Бесоли и уште тројца за перење пари и врски со организираниот криминал, кој се откри во „операцијата Римет“ на шпанската полиција.
Случајот за кој се работи е поврзан со земање пари од Бразилската фудбалска конфедерација (ЦФБ) за ТВ-правата на нивните натпревари, како и пари од спонзорските договори на „Најк“ со бразилската репрезентација. Росел и Бесоли биле сопственици на голем број на компании и банкарски сметки во Андора, преку кои „испрале“ 14.973.328 евра од различни ТВ-договори и уште 5 милиони евра од „Најк“.
Договорот првично бил потпишан во 2006 од Тера Тешеира со арапска компанија со седиште на Кајманските Острови за ТВ-правата на 24 натпревари на Бразил. Тешеира (8.393.328 евра) и Росел (6.580.000 евра), добиле исплата за кои ЦФБ не била информирана.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.