Спорт
Забивање за победа на Леброн, Харден броеше до 40 (Видео)
Леброн Џејмс го реши победникот на дуелот помеѓу ЛА Лекерс и Атланта Хоукс (107:106). Џејмс, во неколку секунди од трагичар прерасна во херој на „езерџиите“, кои ја забележаа седмата победа во сезоната, четврта на последните пет натпревари.
Против Хоук…
Леброн Џејмс го реши победникот на дуелот помеѓу ЛА Лекерс и Атланта Хоукс (107:106). Џејмс, во неколку секунди од трагичар прерасна во херој на „езерџиите“, кои ја забележаа седмата победа во сезоната, четврта на последните пет натпревари.
Против Хоукс, Леброн промаши две слободни фрлања на 19,9 секунди до крајот на мечот, при резултат 105:106. Сепак по скокот во нападот Кузма не погоди, а откако топката среќно стигна до Леброн, тој ја заби во кошот за 107:106. Во последниот напад Трае Јанг не успеа од соло пробив да погоди за победа на Атланта.
Џејмс мечот го заврши со 26 поени, седум скока и четири асистенции.
Портланд Блејзерс, во дербито, по голема борба славеа против Бостон Селтикс 100:94. Дуелот во кој Портланд доминираше, но му дозволи на Бостон со серијата 3:16 да се врати во мечот, во последната четвртина, беше решен во последните минути.
Блескаше центарот од Босна и Херцеговина, Јусуф Нуркиќ со 18 поени и 17 скока, а двоен ефект (19 поени и 12 асистенции) имаше Демијан Лилард. Бостон го предводеа Џејсон Тејтум со 27 и Кајри Ирвинг со 21 поен.
Хјустон, без Кармело Ентони, кој наскоро би можел да го напушти клубот, успеа да слави против Индијана 115:103. Џејмс Харден полека ја фаќа вистинската форма, тој мечот го заврши со 40 поени, седум скока, девет асистенции, но и девет изгубени топки. Во чекор Харден го следеа Крис Пол (26 поени, пет скока, пет асистенции) и Клинт Капела (18 поени, седум скока).
Индијана го забележа третиот пораз на последните четири натпревари. Најдобари кај Пејсерс беа хрватскиот репрезентативец Бојан Богдановиќ (20 поени, шест скока, три асистенции и Виктор Оладипо (22 поени, 10 скока, седум асистенции).
Орландо во Њујорк ги декласира Никс со 115:87. Гостите од Флорида ги демолираа противниците во првиот дел (65:40).
Црногорскиот репрезентативец Никола Вучевиќ за 26 минути на теренот имаше учинок од 21 поен и 14 скока. Интересно стартната петорка на Њујорк постигна само 20 поени. Најефикасни кај Никс беа Кевин Кокс со 17 поени, односно Енес Кантер со 16 поени и 15 скока. Хрватот Марио Хезоња уфрли 12 поени.
Одличен меч одиграа Денвер Нагетс и Милвоки Бакс. Милвоки победија 121:114 бидејќи одиграа подобр во последните неколку напади.
Денвер ги изненади центарот Брук Лопез со 28 поени, тој постигна осум тројки од 13 обиди. Јанис Адетокумбо забележа 22 поени, осум скока и девет асистенции. Никола Јокиќ за Денвер забележа 20 поени и по шест скока и асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…
Спорт
Арне Слот преговара со Ливерпул
Ливерпул напорно работи да го најде наследникот на Јирген Клоп, а последен кандидат е Арне Слот. Тренерот на Феенорд бележи одлични резултати со холандскиот тим кој го привлече вниманието на великанот од „Енфилд“.
Феенорд, сезонава е на второто место во првенството, додека лани беше шампион, минатиот викенд го освои трофејот во Купот на Холандија.
Според добро информираниот Фабрицио Романо, веќе е остварен контакт помеѓу Слот и Ливерпул, а преговорите се движат во позитивна насока.
Наскоро се очекуваат нови разговори
Исто така, нема откупна клаузула во договорот на Слот со Феенорд, па холандскиот тим ќе бара обештетување за да му дозволи на тренерот пред време да го заврши договорот.
Истото се случи минатата година, кога Слот преговараше со Тотенхем, но не беше постигнат договор меѓу двете страни.
Спорт
Тајрис Мекси „најмногу напредувал“
Тајрис Мекси од Филаделфија Севентисиксерс најмногу напредувал оваа сезона. Мекси, во изборот за оваа награда, во која гласаат 100 претставници на медиумите, доби вкупно 319 поени, само 14 повеќе од второпласираниот Коби Вајт од Чикаго Булс.
Третото место му припадна на турскиот центар Алперен Шенгун од Хјустон Рокетс, на кого шансата да ја добие наградата му ја уништи повредата, поради која ја заврши сезоната месец и половина порано од останатите.
Минатата година, честопати заменувајќи го Џејмс Харден во стартната петорка, Мекси навести експлозија во неговата четврта сезона во НБА.
По заминувањето на Харден во ЛА Клиперс, а особено по повредата на Џоел Ембид, Мекси стана прва опција во нападот на Филаделфија. Сезоната ја заврши со просек од 25,9 поени, 3,7 скока и 6,2 асистенции. За прв пат беше избран и за Ол-стар натпреварот.
Со доделувањето на оваа награда, НБА почна да ги објавува сите индивидуални награди за оваа сезона, вечерва ќе го прогласи најдобриот шести играч, утре најдобар клач, а викендот најдобар тренер на лигата.
Следната недела следува прогласување на најдобриот дебитант и одбранбен играч, а кулминација е прогласувањето на МВП и првата петорка на лигата.