Спорт
Залудни 58 поени на Харден, Кајри го реши дербито на Истокот (видео)
Бруклин Нетс во најинтересниот натпревар, одигран изминатата ноќ во НБА лигата, по едно продолжение, го совладаа Хјустон 145:142. На Хјуатон не му беа доволни ниту 58. поени на Џејмс Харден.
Харден погоди 21 од 23.слободни фрлања, пет од 19. обиди за т…
Бруклин Нетс во најинтересниот натпревар, одигран изминатата ноќ во НБА-лигата, по едно продолжение, го совладаа Хјустон 145:142. На Хјуатон не му беа доволни ниту 58. поени на Џејмс Харден.
Харден погоди 21 од 23 слободни фрлања, пет од 19 обиди за три поени завршија во кошот на противникот, а од поле шутира со речиси 50 отсто успешност. Сепак, тоа не беше доволно Хјустон да го избегне 19. пораз во сезоната. Интересно, кошаркарите на Хјустон на овој меч имаа 70 обиди за три поени, а погодиле 23.
Harden is the new King of 50-point games ? pic.twitter.com/6JJlD25qTZ
— Bleacher Report (@BleacherReport) January 17, 2019
Динвиди и Керол на спротивната страна му парираа на Харден. Динвиди имаше учинок од 33 поени и 10 скока, тој ја погоди тројката за 131:131 на осум секунди до крајот на регуларниот дел, со кој избори продолжение за Брукли. Керол на крајот заврши со 22 поена.
Бостон Селтикс во дербито забележаа победа над Торонто Репторс 117:108. Блескаше плејмејкерот на Бостон Кајри Ирвинг со 27 поени и 18 асистенции. Повеќето од асистенциите одеа кон Ал Хорфорд, кој постигна 25 поени. Најистакнати кај Торонто беа Каваи Ленард со 33 поени, односно Серж Ибака со 22 поена и 10 скока.
Луд натпревар одиграа Голден стејт Вориорс и Њу Орлеанс Пеликанс. Вориорс славеа со 147:140. Стеф Кари постигна 41 поен, Кевин Дурент забележа 30 поени и 15 скока, Клеј Томпсин уфрли 19 поени, два повеќе од Дрејмонд Грин.
Кај Пеликанс, Ентони Дејвис забележа 30 поени и 18 скока, Никола Миротиќ постигна 29 поени, четири повеќе од Џру Холидеј.
Портланд лесно се справи со Кливленд Кавалирс. Портланд славеше со 129:112, а Босанецот Јусуф Нуркиќ го забележа првиот трипл-дабл во кариерата. Нуркиќ имаше по 10 поени, скокови и асистенции.
Лука Дончиќ постигна 25 поени, но не можеше да го спречи поразот на Далас во дербито на Тексас од Сан Антонио. Давид Бертранс и Демар Дерозан постигнаа 18 од последните 30 поени и го однесоа Спарс до победата 105:101.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Замената за Клоп Ливерпул ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.