Спорт
Ибраими го реши Шериф (Видео)
Фудбалерите на Шкендија минимално го совладаа Шериф Тираспол, во првиот натпревар од второто квалификациско коло во Лигата на шампионите. Единствениот гол на „Филип Втори“ стадион во Скопје, го постигна Бесарт Ибраими во 24.минута.
Шкендија победи, но …
Фудбалерите на Шкендија минимално го совладаа Шериф Тираспол, во првиот натпревар од второто квалификациско коло во Лигата на шампионите. Единствениот гол на „Филип Втори“ стадион во Скопје, го постигна Бесарт Ибраими во 24.минута.
Шкендија победи, но може да жали што на реваншот во Тираспол нема да носи поголема предност. Исклучително добро делуваа играчите на македонскиот првак во првото полувреме, кога по голот на Ибраими, Бразилецот Жуниор немаше среќа да постигне гол.
Ибраими, во 24.минута, изведе слободен удар од некои 21-22 метри и успеа да го погоди спротивниот агол на голманот Микулиќ.
Потоа Жуниор имаше колосална шанса во 36.минута. Бразилецот успеа да го префрли голманот Микулиќ, но од гол линијата топката успеа да ја исфрли Кулушиќ.
Пет минути подоцна, Бразилецот повторно немаше среќа, неговиот обид со глава заврши во дирекот.
Во второто полувреме, Шкендија му ја препушти топката на противникот, а својата шанса за постигнување на гол ја бараше преку брзите напади. Сепак, Шкендија, во вториот дел не успеа да создаде чиста шанса за гол.
Молдвците, иако беа во подредена улога во првиот дел, имаа свои шанси да заминат и непоразени во Скопје, меѓутоа двата нивни најсериозни обиди ги скроти Захов.
Реваншот по кој ќе биде познат патникот во третото коло ќе се одигра за една недела во Модавија. Победникот од овој двомеч, во третото коло ќе игра против Ред Бул Салцбург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.