Спорт
Изнер за „правилото Изнер“ на Вимблдон
Американецот Џон Изнер ја поздравил одлуката на организаторите на гренд-слемот во Вимблдон, од наредната сезона, да воведат тај-брејк во петтиот сет.
Организаторот на вакво нешто се реши за да ги избегне маратонските мечеви, како што беше оној помеѓу И…
Американецот Џон Изнер ја поздравил одлуката на организаторите на гренд слемот во Вимблдон од наредната сезона да воведат тај-брејк во петтиот сет.
Организаторот на вакво нешто се реши за да ги избегне маратонските мечеви, како што беше оној помеѓу Изнер и Никола Мау, чии петти сет заврши 70:68. Разликата помеѓу Вимблдон и другите турнири ќе биде што на овој гренд слем тај-брејкот ќе се игра доколку резултатот во петтиот сет биде 12:12.
„Сметам дека тај-брејк на 12:12 е добар избор. Ќе бидат задоволни и луѓето што сакаат да гледаат тај-брејк и оние што сакаат победникот да биде решен на разлика. Тоа е против традицијата, но има и многу што мислат дека ова е добро. Кога ќе се случи еден таков меч, треба да кажат дека сега се применува ‘правилото на Изнер’. Сепак, сметам дека тоа нема да се случи, но мислам дека поради мене го донесоа правилото“, рекол Американецот, кој е актер на двата најдолги меча во историјата на Вимблдон.
Изнер во 2010 година против Мау играше тенис 11 часа и пет минути, а оваа година во полуфиналето против Кевин Андерсон на теренот мина шест часа и 36 минути. Андерсон петтиот сет го доби со 26:24.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024