Спорт
Инфантино сака од корен да го смени светскиот фудбал
Претседателот на ФИФА, Џани Инфантино, во петок ќе ги претстави плановите за воведување на две нови глобални натпреварувања. Комисија на ФИФА, ќе се состане во Руанда, а на дневен ред ќе се најде и предлогот на Инфантино за мини Мундијал и за проширува…
Претседателот на ФИФА, Џани Инфантино, во петок ќе ги претстави плановите за воведување на две нови глобални натпреварувања. Комисија на ФИФА, ќе се состане во Руанда, а на дневен ред ќе се најде и предлогот на Инфантино за мини Мундијал и за проширување на Светското клупско првенство. Од ФИФА никој не сакал да ги коментира најновите предлози, поради што е нејасно дали за нив ќе се гласа на состанокот во Руанда.
На членовите на бордот на ФИФА, Инфантино им се обратил со писмо во мај минатата година. Во писмото тој наведува дека постоеле сериозни инвеститори подготвени да вложат 25 милијарди долари во наредните 12 години, почнувајќи од 2021 година.
Инфантино не открива кои се инвеститорите, но одредени медиуми шпекулираа дека станува збор за јапонскиот конгломерат „Софтбанк“.
Против ваквите планови на Инфантино се европските клубови и национални првенства на чело до претседателот на УЕФА, Алексадар Чеферин. Првиот човек на европскиот фудбал го обвини Инфантино дека сака да ја продаде душата на фудбалот.
Доколку предлогот на Инфантино биде прифатен, тогаш можат да се очекуваат големи промени во интернационалниот календар.
Во календарот би влегол мини-Мундијалот, натпреварување што според Инфантино би се одржувало на секои две години и на кое би се натпреварувале осум репрезентации. Тоа натпреварување би го добило името „Фајнал 8“ и би претставувало завршница на глобалното натпреварување наречено Лига на Нации.
Според планот на Инфантино овој турнир биде играл на секои две години, во октомври и ноември, почнувајќи од 2021 година, што значи дека целосно би бил укинат Купот на конфедерации.
Покрај тоа, Светското клупско првенство, на кое во моментов учествуваат седум клуба, според плановите на Инфантино би било проширено на 24 екипи и биде одржувало на секои четири години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.