Спорт
И официјално, Милан е исклучен од европските натпреварувања
Милан е исклучен од Лигата на Европа оваа сезона поради прекршување на финансискиот фер-плеј (ФФП), објави УЕФА во една од најстрогите казни доделени поради овие причини.
Казната е доделена откако УЕФА ја отфрли понудата на Милан за договор, инсистирај…
Милан е исклучен од Лигата на Европа оваа сезона поради прекршување на финансискиот фер-плеј (ФФП), објави УЕФА во една од најстрогите казни доделени поради овие причини.
Казната е доделена откако УЕФА ја отфрли понудата на Милан за договор, инсистирајќи дека финансиската стабилност на седумкратниот европски шампион е неодржлива.
„Милан е исклучен од натпреварувањето на следното клупско натпреварување од УЕФА во кое ќе се квалификува во следните две сезони, едно натпреварување на 2018/19, и едно за 2019/20 ако се квалификуваат“, се вели во соопштението на УЕФА.
Милан се квалификуваа за групната фаза во Лигата на Европа, но сега нивното место ќе го преземе Аталанта од прелиминарната фаза.
Теоретски Милан ќе можат да бидат во Европа во 2019/20 ако се квалификуваат, но ова зависи од средувањето на финансиите на клубот. По неуспехот за продажба на клубот на американскиот милијардер Роко Комисо ова е уште еден удар за „росонерите“, кои очигледно имаат многу неизвесна иднина.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.